- 2014-12-24 18:41:57
- បាល់ទាត់
សំ វ៉ាន់ដេត បង្ហាញធាតុពិតរបស់គ្រូបង្វឹកនិងកីឡាករ មកពីវៀតណាម
- 2014-12-24 18:41:57
- ចំនួនមតិ 0 | ចំនួនចែករំលែក 0
សំ វ៉ាន់ដេត បង្ហាញធាតុពិតរបស់គ្រូបង្វឹកនិងកីឡាករ មកពីវៀតណាម
ចន្លោះមិនឃើញ
«វាជាការងារមួយដ៏ងាយនៅពេលដែលយើងគ្រាន់តែគិតថាយើងជាគ្រូបង្វឹកបាល់ទាត់មួយរូបនិងជាកីឡាករមួយរូប។ ប៉ុន្តែប្រសិនបើយើងប្រឡូកទៅក្នុងការងារទាំងនេះទើបដឹងថាវាយ៉ាងម៉េច?»។ នេះជាសំណេរនៅលើគណនី Facebook របស់លោក សំ វ៉ាន់ដេត គ្រូបង្វឹកក្រុមខេត្តស្វាយរៀង បង្ហោះនៅព្រឹកមិញនេះ ដែលកំពុងតែបំពេញភារកិច្ចនៅឯខេត្តប៊ីញភឿក ប្រទេសវៀតណាម។
សំណេររបស់ លោក សំ វ៉ាន់ដេត លើ Facebook
លោកបានលើកផលវិបាក ៥ យ៉ាងរបស់អ្នកចាប់អាជីពក្នុងវិស័យបាល់ទាត់ដូចជា៖ ១) ជាមនុស្សឃ្លាតឆ្ងាយពីគ្រួសារច្រើន ២) មានពេលតិចតួចនៅជាមួយមនុស្សដែលយើងស្រលាញ់ ៣) ហាលក្តៅ ហាលភ្លៀង ហាលខ្យល់ មិនរុញរា ៣) ទទួលការលើកទឹកចិត្តតិចតួច ៤) គ្មានពេលចូលរួមកម្មវិធី និងបុណ្យជាតិសប្បាយៗ ៥) ដាក់សម្ពាធលើខ្លួនឯងច្រើនក្នុងការងារ
ទោះជាជួបប្រទះផលវិបាកខាងលើតែសំណេររបស់លោកក៏សម្លឹងឃើញពីភាពវិជ្ជមានមួយចំនួនគឺ អ្វីដែលទទួលបានមកវិញ នឹងអស្ចារ្យបំផុតគឺចំណងមិត្តភាពនិងមោនភាព។
ក្រុមលោក សំ វ៉ាន់ដេត ត្រូវប្រកួតជាមួយក្រុមម្ចាស់ផ្ទះបញ្ជាការយោធាខេត្តប៊ីងភឿក ក្នុងពានរង្វាន់ Number One Cup 2014 នៅវេលាម៉ោង ៣:៣០ នាទីរសៀលនេះ ក្នុងវគ្គជម្រុះពូល A។
ក្រុមខេត្តស្វាយរៀង ស្ថិតក្នុងពូល A ជាមួយក្រុម បញ្ជាការយោធាខេត្តប៊ីងភឿក (វៀតណាម), កងពលធំលេខ៤ (វៀតណាម) និង ក្រុមខេត្ត Champasak (ឡាវ)។ ប្រកួតដំបូងស្វាយរៀង បានយកឈ្នះក្រុម Champasak ក្នុងលទ្ធផល ៤ – ០។ ក្រុមជើងឯកលីកកំពូលកម្ពុជា រដូវកាល ២០១៣ មួយនេះបានចេញដំណើរទៅប្រទេសវៀតណាម តាំងពីថ្ងៃទី ១៨ មកម៉្លេះ។
ពានរង្វាន់ Number One Cup ចុងឆ្នាំ ២០១៤ នេះនឹងបញ្ចប់វគ្គចែកពូលនៅថ្ងៃទី ២៧ ខែ ធ្នូ ខណៈវគ្គពាក់កណ្ដាលផ្ដាច់ព្រ័ត្រនៅថ្ងៃទី ២៩ ធ្នូ និង វគ្គផ្ដាច់ព្រ័ត្រ រៀបចំនៅនៅថ្ងៃទី ៣១ ខែ ធ្នូ។ ក្រុមជយលាភីនឹងទទួលបានប្រាក់រង្វាន់លើកទឹកចិត្តចំនួន ៤០០០ ដុល្លារអាមេរិក៕
អត្ថបទពាក់ព័ន្ធ៖ស្វាយរៀង ប៉ះ ម្ចាស់ផ្ទះប៊ីញភឿក ចំណែកសាលាបាល់ទាត់ជាតិប៉ះម្ចាស់ផ្ទះថៃ
អត្ថបទ៖ ម៉ឺន រស្មី
