Balotelli និង Wozniacki ក្លាយជាស្ដេចនៅលើ Twitter

2014-12-23 16:52:50
បាល់ទាត់

2014-12-23 16:52:50
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ Mario Balotelli និងកីឡាការិនីវាយកូនបាល់ Caroline Wozniacki បានក្លាយជាស្តេចប្រុស និងស្តេចស្រីនៅលើគេហទំព័រ Twitter ប្រចាំឆ្នាំ២០១៤នេះហើយ។ នេះបើយោងតាមគេហទំព័រ Sportsmail ។

Sportsmail បានធ្វើការបោះឆ្នោតរកអ្នកកីឡាណាដែលមានប្រជាប្រិយភាពបំផុតនៅលើ Twitter នៅក្នុងឆ្នាំ២០១៤នេះ ឬអាចនិយាយបានឱ្យខ្លីថា (King and Queen of Twitter 2014) ហើយលទ្ធផលបានចេញជាផ្លូវការហើយថាកីឡាករ Mario Balotelli ក្លាយជា King ខណៈដែល Queen វិញបានទៅលើ Caroline Wozniacki។

Balotelli ល្បីខ្លាំងនៅលើ Twitter នៅឆ្នាំនេះ ដោយសាររឿង៣យ៉ាង គឺរឿងទីមួយអំឡុងព្រឹត្តិការណ៍ World Cup រូបគេហ៊ានសុំម្ចាស់ក្សត្រីអង់គ្លេសថើប, រឿងទី២គឺកាលក្រុមបិសាចក្រហម Manchester United ចាញ់ក្រុម Leicester ៥-៣។ ចំណែករឿងទី៣វិញនោះគឺរូបគេបង្ហោះពាក្យសុំទោសបន្ទាប់ពីដឹងខ្លួនថាខុសដោយសារបង្ហោះរូប Super Mario ដែលត្រូវបានសហព័ន្ធកីឡាករអង់គ្លេសគិតថាជាអំពើរើសអើងពូជសាសន៍។

ដោយឡែក Caroline វិញរូបនាងល្បីនៅលើ Twitter ដោយសាររឿងពីរយ៉ាងធំៗគឺទីមួយកាលដែលនាងបានភ្ជាប់ពាក្យជាមួយ Mcllroy និងរឿងមួយទៀតនោះគឺនាងជាអ្នកគាំទ្រផ្កាប់មុខរបស់ Liverpool ។

ទោះជា Twitter អាចជួយឱ្យពួកគេល្បីយ៉ាងនេះក្ដី ប៉ុន្តែផលអវិជ្ជមានក៏មានដល់ពួកគេដែរ តួយ៉ាងដូចជា Balotelli អីចឹង។ កាលបង្ហោះរូប Super Mario នោះខ្សែប្រយុទ្ធវ័យ២៤ឆ្នាំរូបនេះត្រូវបានអង់គ្លេសពិន័យជាលុយជាង៣ម៉ឺនដុល្លារ និងហាមមួយប្រកួតផងដែរ៕

ចុចអាន៖Mancini ថា Balotelli លេងនៅ Liverpool ជាឱកាសចុងក្រោយហើយ

ប្រែសម្រួល៖ មុន្នី រម្យ ប្រភព៖dailymail