- 2024-10-14 02:32:00
- បាល់ទាត់
Pep ឆ្លើយយ៉ាងដូច្នេះរឿងចង់ឲ្យលោកដឹកនាំអង់គ្លេស
- 2024-10-14 02:32:00
- ចំនួនមតិ 0 | ចំនួនចែករំលែក 0
Pep ឆ្លើយយ៉ាងដូច្នេះរឿងចង់ឲ្យលោកដឹកនាំអង់គ្លេស
ចន្លោះមិនឃើញ
បច្ចុប្បន្នតំណែងអ្នកចាត់ការក្រុមជម្រើសជាតិអង់គ្លេស មិនទាន់រកបានគ្រូបង្គោលជាក់លាក់នៅឡើយទេ ខណៈលោក Lee Kevin Carsley ដែលកំពុងដឹកនាំនោះគ្រាន់តែជាគ្រូបណ្ដោះអាសន្នប៉ុណ្ណោះ។
យ៉ាងណារឿងព័ត៌មានចង់បានអ្នកនេះអ្នកនោះមកដឹកនាំនោះមានជាហូរហែ ដោយទាំងលោក Pep Guardiola ថែមទៀតផង។ ជុំវិញសំនួរដែលសូរទៅកាន់លោក Pep ចុងក្រោយបង្អស់រឿងលោកចូលកាន់តំណែងអង់គ្លេសនោះលោកបានបដិសេធថាមិនមែនជាការពិតឡើយ។ លោកបានឆ្លើយថា បច្ចុប្បន្ននេះលោកកំពុងតែដឹកនាំក្រុម Manchester City ។
អ្នកចាត់ការសញ្ជាតិអេស្ប៉ាញបានបញ្ជាក់បែបនេះទៀតថា «ខ្ញុំមិនទាន់មានការសម្រេចចិត្តអ្វីទាំងអស់មកដល់ពេលនេះ។ យ៉ាងណាគ្រប់យ៉ាងវានឹងអាចកើតឡើងព្រោះអីបាល់ទាត់យើងមើលមិនឃើញទេ ដូច្នេះខ្ញុំអាចឆ្លើយបាននៅពេលនេះថា ខ្ញុំមិនទាន់ដឹង»។
សូមបញ្ជាក់ថា កុងត្រារបស់អ្នកចាត់ Pep Guardiola នៅសល់មួយឆ្នាំទៀត ពោលគឺឆ្នាំ២០២៥ ទើបអស់សុពលភាព ខណៈអ្នកគាំទ្ររបស់ មេឃខៀវ កំពុងតែចង់ឃើញប្រធានក្លឹបបន្តកុងត្រាបន្ថែមទៀតជាមួយអ្នកចាត់ការដ៏ជោគជ័យមួយនេះ៕
