ខ្សែការពារ​ Dani Carvajal បាន​និយាយ​ទៅ​កាន់​សារព័ត៌មាន​ The Athletic កាល​ពី​ពេល​ថ្មីៗ​នេះ​ថា​ គេ​នឹង​គិតគូរ​ទៅ​លេង​ឲ្យ​ក្លឹប​នៅ​ MLS នៅ​ពេល​ដែល​គេ​លែង​ចង់​លេង​ឲ្យ​ក្លឹប​ Real Madrid។

Carvajal បាន​និយាយ​ថា​៖" ខ្ញុំ​សង្ឃឹម​ថា​នឹង​លេង​ឲ្យ​ក្លឹប​ Real Madrid ជា​ច្រើន​ឆ្នាំ​ទៀត​។ ក៏​ប៉ុន្តែ​ក្រោយ​ចប់​ពី​ Real Madrid នេះ​ក្លឹប​នៅ​ MLS ខ្ញុំ​នឹង​អាច​គិតគូរ​ទៅ​លេង​ "។

កីឡាករ​នេះ​បន្ត​ថា​៖" តែ​នៅ​ពេល​ណា​ដែល​ខ្ញុំ​គិត​ថា​ ខ្ញុំ​លែង​លេង​ឲ្យ​ Real ខ្ញុំ​ក៏​មិន​ទៅ​លេង​ឲ្យ​ក្លឹប​ណា​ផ្សេង​ទៀត​ដែរ​ ព្រោះ​ក្លឹប​ផ្សេង​ៗ​ក្រៅ​ពី​ Real ដូច​ជា​បាក់​កាលីប​ពេក​សម្រាប់​ខ្ញុំ​ទៅ​លេង​ឲ្យ​ "។

Carvajal បាន​មក​លេង​ឲ្យ​ Real Madrid តាំង​ពី​ឆ្នាំ​២០១៣មក​ ដោយ​ចូល​លេង​បាន​សរុប​ ៤២១ប្រកួត​ និង​ស៊ុត​ចូល​ ១៣គ្រាប់​។

កីឡាករ​នេះ​នឹង​ចប់​កុងត្រា​នៅ​ថ្ងៃ​ទី​៣០ ខែ​មិថុនា​ ឆ្នាំ​២០២៥​ខាង​មុខ​នេះ​ ក្រោយ​បាន​បាន​តកុងត្រា​ថ្មី​តាំង​ពី​ឆ្នាំ​២០២១​មក​។

នៅ​ក្នុង​ឆ្នាំ​នេះ​ កីឡាករ​នេះ​មាន​វ័យ​៣២ឆ្នាំ​ហើយ។ រយៈពេល​១០ឆ្នាំ​ជាង​នៅ​ Real Madrid នេះ​ Carvajal បាន​ដើរ​តួ​យ៉ាង​សំខាន់​ក្នុង​​ខ្សែការពារ​ឲ្យ​ក្លឹប​នេះ​ដោយ​បាន​ឈ្នះ​ពាន​តូច​ធំ​ជា​គ្នា​ជា​ច្រើន​ដូច​ជា​ពាន​ La Liga និង​ពាន​ Champions League ជា​ដើម​៕