ឃើញទិញចូល និងលក់ចេញខ្ជាកៗដឹងទេតើ Chelsea ចាយអស់ប៉ុន្មាន និងលក់បានប៉ុន្មាន?

2024-09-04 06:30:00
បាល់ទាត់

2024-09-04 06:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បូកទាំងការលក់ខ្សែបម្រើស្លាប Angelo Gabriel ទៅ Al-Nassr នុងតម្លៃត្រឹមតែ ១៩,១លានផោនតែChelsea ប្រមូលលុយបានជិត២០០លានផោន ហើយខណៈឯការទិញកីឡាករវិញក៏មិនតិចនោះដែរ។

យុវជនវ័យ១៩ឆ្នាំរូបនេះត្រូវបាន Chelsea ទិញយកពី Santos ក្នុងតម្លៃ ១៣ លានផោនកាលឆ្នាំ២០២៣ ហើយបន្តទៅឲ្យ Strasbourg នៅ Ligu1 ខ្ចីជើងមួយរដូវកាលមកហើយ។ នៅទីនោះគេក៏បានបង្ហាញខ្លួនបាន២៤ប្រកួតផងដែរ។

គេនៅចាំថាយុវជនវ័យ១៩ឆ្នាំរូបនេះ ធ្លាប់ជាប់ឈ្មោះជាកីឡាករវ័យក្មេងជាងគេក្នុងក្លឹប Santos ដែលមានវ័យត្រឹម ១៥ឆ្នាំ និង៣០៨ ថ្ងៃប៉ុណ្ណោះ ប៉ុន្តែអាចមានឱកាសចូលលេងឲ្យក្រុមធំបាន ដោយកាលនោះគឺប៉ះក្រុម Fluminense នៅទីលាន Maracana Stadium ។ Chelsea សម្រេចលក់គេឲ្យទៅចូលរួមជាមួយ Cristiano Ronaldo ដែលកំពុងលេងនៅទីនោះស្រាប់។

តាមពិតទៅ Chelsea ក៏មិនចង់លក់យុវជនល្អបែបនេះដែរ ប៉ុន្តែគេត្រូវគិតពីតុល្យភាពចំណូល-ចំណាយឲ្យមានភាពប្រហាក់ប្រហែលគ្នា ព្រោះការលក់ Angelo ទៅកាន់ Al Nassr គឺទទួលបានចំណេញជិត៦លានផោន ហើយបើបូកសរុបសម្រាប់ការលក់របស់ពួកគេមួយរយៈពេលចុងក្រោយនេះទទួលបានប៉ុន្មាន ១៨៨.៩លានផោន។ ក្នុងនោះបើសិនបូកបញ្ចូលទាំងប្រាក់ដែលបានពីការដាក់កីឡាករឲ្យគេខ្ចីជើង និងចំណូលផ្សេងៗមិនបានបញ្ចេញ Chelsea ប្រមូលបានច្រើនជាង២០០ផោនឯណោះ។

ងាកមកកាន់ការចំណាយគឺមានចំនួន ២០៨,៥ លានផោន ទៅលើការទិញកីឡាករ១១នាក់ ដោយមិនរាប់បញ្ចូលអ្នកចាំទី Mike Penders ពីក្រុម Genk និង ខ្សែបម្រើស្លាប Estavao Willian ពីក្រុម Palmeiras ដែលនឹងមកកាន់ Chelsea នៅឆ្នាំ២០២៥៕

ប្រភព៖ BBC Daro Ly