កាំភ្លើងធំ ឆ្លើយតបសំណើទិញកីឡាករពីក្លឹបអារ៉ាប៊ីសាអ៊ូឌីត

2024-09-02 12:47:51
បាល់ទាត់

2024-09-02 12:47:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Arsenal បានបដិសេធសំណើទិញកីឡាករ Leandro Trossard ពីក្លឹបអារ៉ាប៊ីសាអ៊ូឌីត Al Ittihad។

កាលពីថ្ងៃនេះ មានលេចចេញនៅដំណឹងច្បាស់ការមួយដែលថា ក្លឹប Al Ittihad បានបញ្ជូនសំណើផ្លូវការក្នុងការផ្ទេរចូលខ្សែប្រយុទ្ធបែលហ្សិកវ័យ ២៩ ឆ្នាំ Leandro Trossard ពីក្លឹប Arsenal ក្នុងតម្លៃប្រមាណ ៤០ លានដុល្លារសហរដ្ឋអាមេរិក។

ក្រោយទទួលបានសំណើនេះ ក្លឹបកាំភ្លើងធំបានបដិសេធក្លឹប Al Ittihad ហើយបានបញ្ជាក់ថា Trossard គឺជាកីឡាករសំខាន់មួយរបស់ក្លឹប ហើយមិនមែនជាគោលដៅសម្រាប់ផ្ទេរចេញឡើយ។

ការដាក់សំណើទិញរបស់ក្លឹប Al Ittihad ក្នុងការផ្ទេរចូល Trossard ត្រូវបានមជ្ឈដ្ឋានជាច្រើនយល់ថា គឺជារឿងដ៏ភ្ញាក់ផ្អើលមួយក្នុងរដូវកាលផ្ទេរលើកនេះ ក៏ព្រោះថា ខ្សែស្លាបបែលហ្សិករូបនេះ គឺជាកីឡាករបង្គោលរបស់ក្លឹប Arsenal ក្រោមការដឹកនាំរបស់អ្នកចាត់ការ Mikel Arteta។ ម្យ៉ាងទៀត កីឡាករផ្ទាល់ក៏កំពុងសប្បាយចិត្តជាមួយក្លឹបកាំភ្លើងធំ ហើយកំពុងបង្ហាញទម្រង់លេងល្អឲ្យក្រុម។

ការវិភាគក្នុងសារព័ត៌មានមួយចំនួនបានលើកឡើងថា ឥរិយាបថរបស់ក្លឹប Al Ittihad គឺបញ្ជាក់ពីឥទ្ធិពលទឹកប្រាក់របស់ក្លឹបអារ៉ាប៊ីសាអ៊ូឌីត ជាពិសេសក្នុងការផ្ទេរយកកីឡាករណាមួយរបស់ក្លឹបពេញចិត្ត ដោយហ៊ានចំណាយថ្លៃផ្ទេរ និងឲ្យប្រាក់ឈ្នួលខ្ពស់ ដើម្បីទាក់ទាញកីឡាករល្អៗពីអឺរ៉ុបទៅលេងនៅអារ៉ាប៊ីសាអ៊ូឌីត។ កន្លងមក ក្លឹបអារ៉ាប៊ីសាអ៊ូឌីត មានភាពជោគជ័យក្នុងការនាំចូលកីឡាករល្បីៗ ពីអឺរ៉ុប ដូចជា ខ្សែប្រយុទ្ធ Cristiano Ronaldo កីឡាករ Karim Benzema និងខ្សែបម្រើ N'Golo Kante ជាដើម។