- 2024-08-28 00:00:00
- បាល់ទាត់
ល្អដូចផ្កា! Olmo បង្ហាញខ្លួនប្រកួតដំបូងជួយ Barcelona ឈ្នះម្ចាស់ផ្ទះ Vallencano ២-១
- 2024-08-28 00:00:00
- ចំនួនមតិ 0 | ចំនួនចែករំលែក 0
ល្អដូចផ្កា! Olmo បង្ហាញខ្លួនប្រកួតដំបូងជួយ Barcelona ឈ្នះម្ចាស់ផ្ទះ Vallencano ២-១
ចន្លោះមិនឃើញ
Dani Olmo បានបង្ហាញខ្លួនប្រកួតដំបូងឲ្យក្រុម Barcelona ហើយកាលពីយប់មិញនេះនិងរកបានគ្រាប់បាល់ជ័យជម្នះឲ្យក្រុមថ្មីរបស់ខ្លួនទៅលើក្រុមម្ចាស់ផ្ទះ Rayo Vallencano ក្នុងលទ្ធផល២-១ សម្រាប់ការប្រកួត La Liga សប្ដាហ៍ទី៣។
Dani Olmo បានប្ដូរចូលនៅវគ្គទី២ បន្ទាប់ពីវគ្គទី១ក្រុមម្ចាស់ផ្ទះ Rayo Vallencano នាំមុខ១-០ ក្រោយពេលប្ដូរចូលការប្រកួតហាក់មានភាពខុសប្លែក និងធ្វើឲ្យក្រុមភ្ញៀវមានការវាយសម្រុកកាន់តែខ្លាំងរហូតនាទីទី៦០ Pedri ក៏រកបានគ្រាប់បាល់តាមស្មើ និងដល់នាទីទី៨២ Lamine Yamal ក៏បញ្ជូនបាល់កាលចូលមកកណ្ដាលឲ្យ Olmo បញ្ចប់ទីបានយ៉ាងស្អាតដើម្បីជួយក្រុមផ្ញៀវ Barcelona ឈ្នះលើក្រុម Rayo Vallencano ក្នុងលទ្ធផល២-១។
ដ្បិតតែជាការប្រកួតលើកដំបូងរបស់ Olmo ឲ្យក្រុម Barcelona ប៉ុន្តែហាក់មើលទៅពួកគេបានហាត់ជាមួយគ្នារាប់ឆ្នាំ និងមានភាពស៊ីចង្វាក់គ្នាល្អណាស់ ពិសេសគឺនៅតំបន់ប្រយុទ្ធរបស់ Barcelona ដែលមាន Pedri, Olmo និង Yamal ។ នេះជាជ័យឈ្នះទី៣របស់ Barcelona ហើយក្រោយការលេង៣ប្រកួតឈ្នះទាំង៣ និងឈរកំពូលតារាង La Liga បណ្ដោះអាសន្ន៕
