- 2024-08-22 03:01:32
- បាល់ទាត់
គ្រូស្វាយរៀង៖ ខ្ញុំមានមោទកភាពចំពោះកីឡាករ ជ័យជម្នះយប់មិញជាកាដូដែលពួកគេខំប្រឹងកន្លងទៅ
- 2024-08-22 03:01:32
- ចំនួនមតិ 0 | ចំនួនចែករំលែក 0
គ្រូស្វាយរៀង៖ ខ្ញុំមានមោទកភាពចំពោះកីឡាករ ជ័យជម្នះយប់មិញជាកាដូដែលពួកគេខំប្រឹងកន្លងទៅ
ចន្លោះមិនឃើញ
គ្រូបង្វឹករបស់ក្លឹបបាល់ទាត់ព្រះខ័នរាជស្វាយរៀង ថាលោកមានមោទកភាពជាខ្លាំងចំពោះកូនក្រុមរបស់លោកតាមរយៈជ័យជម្នះលើក្រុមខ្លាំងរបស់ម៉ាឡេស៊ីយប់មិញនេះ ហើយជ័យជម្នះមួយនេះជាកាដូរបស់ពួកគេដែលខំប្រឹងកន្លងមក។
លោក Pep Munoz គ្រូបង្វឹកក្លឹបបាល់ទាត់ព្រះខ័នរាជ្យស្វាយរៀង បានលើកឡើងក្នុងសន្និសីទសារព័ត៌មានយប់មិញនេះថា វាជាការប្រកួតដ៏ល្អមួយសម្រាប់ក្រុមរបស់លោកពិសេសជាការប្រកួតធំនៅក្រៅស្រុកបែបនេះ។ នៅ ៤៥នាទីដំបូងលោកមើលឃើញថាកូនក្រុមលេងបានល្អមែនទែន ពោលដូចទៅនិងការលើកឡើងពីមុនអីចឹងថាក្រុមស្វាយរៀងជាក្រុមចូលចិត្តគ្រប់គ្រងបាល់ច្រើនហើយនៅវគ្គទី១ នេះគឺលេងគ្រប់គ្រងបានល្អតាមអ្វីដែលគិត។
ការប្រកួតនេះគឺបានបង្ហាញពីកម្រិតគុណភាពរបស់ព្រះខ័នរាជស្វាយរៀង បង្ហាញពីសមត្ថភាពរបស់ពួកគេថាល្អប៉ុណ្ណា ប៉ុន្តែក៏ជាការបង្ហាញដល់ពួកគេដែរថាវាពិតជាលំបាកណាស់សម្រាប់ការប្រកួតនៅទឹកដីម៉ាឡេស៊ី ប៉ះក្រុមខ្លាំងបែបនេះ និងលេងតាមរបៀបដែលបានរៀបចំហើយឈ្នះបែបនេះ។ លោកពិតជាមានមោទកភាពចំពោះក្រុមជាខ្លាំងហើយនេះជាកាដូមួយសម្រាប់ពួកគេដែលខំប្រឹងប្រែងហ្វឹកហាត់កន្លងទៅ។
បញ្ជាក់ដែរថា ក្លឹបបាល់ទាត់ព្រះខ័នរាជស្វាយរៀង យប់មិញនេះបានយកឈ្នះលើក្រុមម្ចាស់ផ្ទះម៉ាឡេស៊ី Terengganu FC ដោយលទ្ធផល ៣-២ នៃការប្រកួតដំបូងក្នុងវគ្គចែកពូល ពានរង្វាន់ក្លឹបអាស៊ាន (Shopee Cup) ២០២៤/២០២៥ (2024–25 ASEAN Club Championship Group A)៕
