ទីបំផុត Chelsea និង AT Madrid ព្រមព្រៀងក្នុងការដោះដូរ Felix និង Gallagher

2024-08-20 02:15:00
បាល់ទាត់

2024-08-20 02:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តោខៀវ Chelsea បានព្រមព្រៀងគ្នាអស់ហើយលើសំណើនាំយក Joao Felix មកកាន់អង់គ្លេស ខណៈដែលខ្សែបម្រើអង់គ្លេស Conor Gallagher ត្រូវផ្ទេរទៅកាន់ AT Madrid វិញ។

ខ្សែប្រយុទ្ធជម្រើសជាតិ ព័រទុយហ្គាល់ វ័យ២៤ឆ្នាំខាងលើ នឹងផ្ទេរមកកាន់ Stamford Bridge សម្រាប់កុងត្រា៦ឆ្នាំជាមួយលក្ខខណ្ឌបន្ថែម១ឆ្នាំទៀត។ Felix នឹងមកធ្វើតេស្តសុខភាពក្នុងពេលឆាប់ៗ ខណៈដែលគេធ្លាប់រកបាន៤គ្រាប់ កាលខ្ចីជើងមកកាន់ទឹកដីអង់គ្លេស ដោយចូលលេងបាន២០ប្រកួតកាលឆ្នាំ២០២៣។

ជាមួយគ្នានោះខ្សែបម្រើជម្រើសជាតិអង់គ្លេស Gallagher គឺត្រូវបានគេដឹងថាក្លឹបទាំងពីរបានព្រមព្រៀងគ្នាអស់ហើយ ដោយនឹងចុះកុងត្រា៥ឆ្នាំ។ គេដឹងថាខ្សែបម្រើរូបនេះបានធ្វើការហ្វឹកហាត់តែម្នាក់ឯងនៅទីលានហ្វឹកហាត់របស់ក្លឹប Cobham បន្ទាប់ពីគេបានចាកចេញពីក្រុមប្រមាណជា១សប្ដាហ៍មកនេះ។

ការចរចាត្រូវគ្នាពីការនាំយក Felix មកកាន់អង់គ្លេសគឺជាវិធីដ៏ល្អសម្រាប់ Gallagher ក្នុងការឲ្យគេមានឱកាសបានផ្ទេរទៅកាន់ទឹកដីអេស្ប៉ាញ។ គេដឹងថាកាលពី៩ថ្ងៃមុនពោលគឺថ្ងៃអង្គារ ការផ្ទេរទៅកាន់ទឹកដីអេស្ប៉ាញរបស់ខ្សែបម្រើអង់គ្លេសត្រូវបានពន្យារពេលវិញ និងត្រូវហោះមកកាន់អង់គ្លេសវិញភ្លាមៗ ដោយសារតែការចរចាមិនត្រូវគ្នានេះឯង៕

ប្រភព៖ BBC ប្រែសម្រួល៖ Srey Sovandara