Ancelotti ៖ វត្តមាន Mbappe គ្មានការប្ដូរ Bellingham ចេញពីតំបន់ដែលគេធ្លាប់លេងទេ

2024-08-06 03:50:00
បាល់ទាត់

2024-08-06 03:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Carlo Ancelotti អ្នកចាត់ការស្ដេចស Real Madrid បញ្ជាក់ពីការមកដល់របស់ Kylian Mbappe នឹងគ្មានការប្រែប្រួលចំពោះទីតាំងលេងរបស់ Jude Bellingham ឡើយ។

ខ្សែបម្រើវ័យ២១ឆ្នាំ Jude Bellingham បានបង្ហាញទម្រង់លេងដ៏គួរឲ្យភ្ញាក់ផ្អើល ក្រោយចាក់ចេញពី Dortmund មកកាន់ទឹកដីអេស្ប៉ាញ Real Madrid ពិសេសនោះគឺនៅតំបន់ប្រើប្រយុទ្ធកណ្ដាលដែលលេងនេះតែម្ដង។ គេរកបានគ្រាប់បាល់ចំនួន២៣គ្រាប់ក្នុងការបង្ហាញខ្លួន ៤២លើក ហើយនិងបានជួយក្រុមឲ្យឈ្នះ Champions League និង La Liga ។ ស្របពេលដែលខ្សែប្រយុទ្ធ Kylian Mbappe បានមកកាន់ទឹកដីអេស្ប៉ាញក្នុងទីផ្សារដោះដូរកីឡាករនារដូវក្ដៅនេះ ដោយគ្មានតម្លៃខ្លួនបន្ទាប់ពីចប់កុងត្រានៅ PSG ។

អ្នកការសញ្ជាតិអ៊ីតាលី បានបដិសេធមិនធ្វើការផ្លាស់ប្ដូរទីតាំងលេងរបស់ Jude Bellingham បើទោះជាមានវត្តមានរបស់ Kylian Mbappe ក៏ដោយ។ «គ្មានការផ្លាស់ប្ដូរទៅណាឡើយ» ។ នេះជាការបញ្ជាក់របស់ Carlo Ancelotti ។

អ្នកចាត់ការដដែលបានបន្ថែមទៀតថា «កាលពីរដូវកាលមុន Jude បានធ្វើរឿងភ្ញាក់ផ្អើលជាច្រើន ដោយគេបានបង្ហាញសមត្ថភាពលេងមួយដ៏អស្ចារ្យ ដែលរបៀបនៃការលេងនេះក្លឹបពិតជាត្រូវការ ព្រោះមើលទោះប្រៀបដូចជាកីឡាករដែលចាស់ទុំលើទីលាន។ ខ្ញុំគិតថារដូវកាលថ្មីនេះនឹងមិនមានអ្វីខុសប្លែកពីរដូវកាលមុនទេ»។

«...Jude Bellingham កំពុងបង្ហាញឲ្យគ្រប់គ្នាមើលឃើញថា គេបានវិវឌ្ឍន៍ខ្លួនទៅជាកីឡាករកំពូល និងសំខាន់បំផុតក្នុងក្រុមនាដែលមិនអាចខ្វះបាននាពេលបច្ចុប្បន្ន។ និយាយដោយស្មោះត្រង់គេលេងនៅតំបន់បម្រើកណ្ដាលនេះពិតជាជួយក្រុមបានច្រើនមែនទែន»។ នេះជាការបញ្ជាក់បន្ថែមរបស់អ្នកចាត់ការសញ្ជាតិអ៊ីតាលី៕