កីឡាករបាញ់កាំភ្លើងខ្លីទួរគីផ្ទុះការចាប់អារម្មណ៍យ៉ាងខ្លាំង ដោយរបៀបតែងខ្លួនសាមញ្ញ

2024-08-02 12:03:22
ព័ត៌មាន

2024-08-02 12:03:22
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Yusuf Dikec កីឡាករជនជាតិទួរគីសម្រាប់វិញ្ញាសារបាញ់កាំភ្លើងខ្យល់ចម្ងាយ១០ម៉ែត្រលក្ខណៈជាក្រុមក្នុងព្រឹត្តិការណ៍អូឡាំពិកប៉ារីស២០២៤ បានផ្ទុះការចាប់អារម្មណ៍យ៉ាងខ្លាំងពាសពេញបណ្ដាញសង្គម។

បុរសវ័យ ៥១ឆ្នាំនេះបានប្រកួតអូឡាំពិកវិញ្ញាសារដដែលតាំងពីឆ្នាំ២០០៨មក។ លោកនិងមិត្តរួមក្រុមរបស់លោកគឺកញ្ញា Sevval Ilayda Tarhan វ័យ២៤ឆ្នាំ បានឈ្នះមេដាយប្រាក់នៅក្នុងវិញ្ញាសារនេះ។ មេដាយមាសនៅក្នុងវិញ្ញាសារនេះបានទៅក្រុមស៊ែប ហើយសំរិទ្ធិបានទៅក្រុមឥណ្ឌា។

អ្វីដែលគេចាប់អារម្មណ៍លោក Dikec ខ្លាំងជាងគេគឺ ដោយសារតែលោកចូលប្រកួតប្រកបដោយភាពសាមញ្ញបែបជឿជាក់។ ខុសពីកីឡាករជាច្រើននៅក្នុងវិញ្ញាសារបាញ់កាំភ្លើងវែង-ខ្លីនេះ លោកចូលប្រកួតដោយពាក់តែអាវយឺត និងកាសពណ៌លឿងខ្ទប់ត្រជាក់ ជ្រែងហោប៉ៅខោ អមជាមួយនឹងវ៉ែនតាម៉្ញូបរបស់លោកប៉ុណ្ណោះ។

កីឡាករភាគច្រើនផ្សេងទៀតសុទ្ធតែពាក់ប្រដាប់ការពារធំៗ និងវ៉ែនតាជំនួយភ្នែកតូចធំ។

យ៉ាងណាមិញ តាមពិតទៅ ក្រៅពីកីឡាករទួរគីមួយនេះ កីឡាករបាញ់កាំភ្លើងវែងរបស់ចិនគឺលោក Liu Yukun ក៏ចូលប្រកួតដោយគ្មានពាក់របស់ជំនួយភ្នែកផងដែរ តែមិនសូវជាផ្ទុះការចាប់អារម្មណ៍ខ្លាំងដូចលោក Dikec៕