អូឡាំពិក២០២៤៖ សល់ ១០ថ្ងៃទៀត ម្ចាស់ផ្ទះបារាំងឈរលេខ ៣ ចុះនរណាឈរលេខ១?

2024-08-02 11:26:01
ព័ត៌មាន

2024-08-02 11:26:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍អូឡាំពិករដូវក្ដៅ២០២៤ កំពុងតែប្រព្រឹត្តិទៅនៅរដ្ឋធានីប៉ារីស ប្រទេសបារាំង។ ព្រឹត្តិការណ៍នេះនឹងបិទបញ្ចប់នៅថ្ងៃទី១១ ខែសីហាខាងមុខនេះ។ នៅសល់ប្រមាណ ១០ថ្ងៃទៀត ម្ចាស់ផ្ទះបារាំងឈរលេខ ៣ ខាងទទួលបានមេដាយច្រើនជាងគេ។ ជាមួយគ្នានោះចិនឈរលេខ ១ ហើយអាមេរិកឈរលេខ ២។ នេះបើតាមតារាងមេដាយអូឡាំពិកគិតត្រឹមថ្ងៃសុក្រនេះ។

ចិនឈរកំពូលតារាងដោយរកបានមេដាយសរុប ២៦គ្រឿង ដោយក្នុងនោះមេដាយមាស ១២គ្រឿង។ សហរដ្ឋអាមេរិកវិញឈរលេខ២ ដោយរកបានមេដាយសរុប ៣៨គ្រឿងឯណោះ តែមេដាយមាសមានតែ ៩គ្រឿង។

ក្រុមកីឡាករស្រុកបារាំងដែលជាម្ចាស់ផ្ទះវិញឈរលេខ ៣ តែរកមេដាយសរុបច្រើនជាងចិនចំនួន ២គ្រឿង ដោយប្រទេសនេះរកបានមេដាយសរុប ២៨គ្រឿង ហើយមានមេដាយមាស ៨គ្រឿង។

នេះក៏ដោយសារតែគេផ្ដល់អាទិភាពលើចំនួនមេដាយមាស ដោយប្រទេសណាទទួលបានមេដាយមាសច្រើនជាងគេឈរលេខ១លើគេ។

ចំណែកឯក្រុមបន្តបន្ទាប់ទៀតរួមមាន លេខ ៤ បានទៅលើអូស្ត្រាលី ដោយមានមេដាយសរុប ១៩គ្រឿង ក្នុងនោះមេដាយមាស ៨គ្រឿង។ ចំណែកឯជប៉ុនជាប់លេខ ៥ ដោយមានមេដាយមាស ៨គ្រឿងដូចបារាំង និងអូស្ត្រាលីដែរ តែមានមេដាយសរុបតែ ១៦គ្រឿងប៉ុណ្ណោះ។

ចំណែកឯអ្នកស្រុកអាស៊ីអាគ្នេយ៍វិញ នៅមិនទាន់មានក្រុមណារកបានមេដាយនៅឡើយទេ៕