ព្រឹត្តិការណ៍​បាល់ទាត់​ផ្នែក​យុវជន​ PTT Lubricants Junior football Tournament​ 2024​ បង្កើត​ឡើង​ក្នុង​គោល​បំណង​លើក​ស្ទួយ​វិស័យ​បាល់ទាត់​នៅ​កម្ពុជា​ បណ្ដុះ​ទំពាំង​កម្ពុជា​ឲ្យ​មាន​សមត្ថភាព​លើ​វិស័យ​បាល់ទាត់។​

លោក និល ខណ្ឌព្រីដា ​អ្នក​រៀបចំ​ព្រឹត្តិការណ៍​ PTT Lubricants Junior football Tournament​ បាន​ឲ្យ​ដឹង​ថា​ នេះ​ជា​លើក​ទី១​ ហើយ​ដែល​បាន​រៀបចំ​ឲ្យ​មាន​ការ​ប្រកួត​នេះ​ឡើង។​ ក្នុង​ការចូលរួម​ជំហាន​ដំបូង​នេះ​មាន ​៤ ក្រុម​សិន​ហើយ​លោក​មាន​គម្រោង​នឹង​បង្កើន​ចំនួន​ក្រុម​ឲ្យ​កាន់​តែ​ច្រើន​នៅ​រដូវ​កាល​បន្ទាប់​ទៀត។​

ពាក់ព័ន្ធ​និង​ការ​រៀបចំ​ឲ្យ​មាន​ព្រឹត្តិការណ៍​នេះ​ឡើង​លោក​ ខណ្ឌព្រីដា ​បញ្ជាក់​ថា​ ការ​ប្រកួត​នេះ​ផ្ដោត​លើ​យុវជន​ក្មេងៗ​ដែល​ស្រឡាញ់​ចូលចិត្ត​វិស័យ​បាល់ទាត់។​ បន្ថែម​ពី​នេះ​គឺ​ចង់​បណ្ដុះ​ឲ្យ​ក្មេងៗ​លេង​កីឡា​មាន​សុខភាព​ល្អ​ និង​បណ្ដុះ​ធនធាន​ទំពាំង​ក្មេងៗ​របស់​កម្ពុជា​ដើម្បី​អនាគត​បាល់ទាត់​របស់​ប្រទេស​ផង​កម្ពុជា​ផង​ដែរ។​

រំលឹក​ដែរ​ថា​ ព្រឹត្តិការណ៍​បាល់ទាត់​ PTT Lubricants Junior football Tournament​ 2024​ បាន​បើក​ការ​ប្រកួត​ខ្លួន​ជា​ផ្លូវ​ការ​ហើយ​កាល​ពី​ព្រឹកមិញ​នេះ​នៅ​តារាង​បាល់ទាត់​បឹងកក់។​ ក្រុម​ទាំង​ ៤​ ដែល​ចូលរួម​មាន​ ម្ចាស់ផ្ទះ​ក្រុមបាល់ទាត់យុវជននគររាជ ISI Community FC Preah Khan Reach Svay Rieng FC និង Eagle។​ ព្រឹត្តិការណ៍​ទទួល​បាន​ការ​ឧបត្ថម្ភ​ដោយ​ ប្រេងរំអិល ភីធីធី ការវិវឌ្ឍន៍ចុងក្រោយនៃបច្ចេកវិទ្យា ល្អបំផុតសំរាប់យានយន្តគ្រប់ប្រភេទ៕​