![](http://cdn.sabay.com/cdn/media.sabay.com/media/sabay-news/Sport-News/International-Sports/Freelancer-Sport/football(132)/668e6ee0002a3_1720610520_medium.jpg)
- 2024-07-10 13:40:03
- ព័ត៌មាន
Van de Beek ចាកចេញពី Man Utd ក្រោយរួមរស់រដាក់រដុបអស់ ៤ឆ្នាំ
- 2024-07-10 13:40:03
- ចំនួនមតិ 0 | ចំនួនចែករំលែក 0
Van de Beek ចាកចេញពី Man Utd ក្រោយរួមរស់រដាក់រដុបអស់ ៤ឆ្នាំ
ចន្លោះមិនឃើញ
ខ្សែបម្រើហុល្លង់កីឡាករ Donny van de Beek បានប្រកាសនៅក្នុងបណ្ដាញសង្គមរបស់ខ្លួនថា ខ្លួននឹងចាកចេញពីក្លឹបបិសាចក្រហម Manchester United ហើយ ក្រោយរួមរស់ជាមួយគ្នាយ៉ាងរដាក់រដុបអស់រយៈពេល ៤ឆ្នាំ។
កីឡាកររូបនេះត្រូវបានក្លឹបបិសាចក្រហមនាំចូលពីក្លឹបហុល្លង់ Ajax កាលពីឆ្នាំ២០២០កន្លងទៅ ជាមួយនឹងតម្លៃខ្លួនប្រមាណ ៤៥លានដុល្លារអាមេរិក។
នៅពេលចូលមកដំបូងៗ Van de Beek បង្ហាញទម្រង់លេងគ្រាន់បើ តែក្រោយៗមក ព្រោះតែរបួស កីឡាកររូបនេះត្រូវបានបញ្ឈរជើងចោល ដោយបង្ហាញខ្លួនសរុបនៅក្លឹប Manchester United តែ ៣៥ដងប៉ុណ្ណោះ ហើយត្រូវបានផ្ទេរក្នុងលក្ខខណ្ឌជើងរហូតដល់ទៅ ២ដង ដោយទៅក្លឹប Everton នៅឆ្នាំ២០២២ និងក្លឹបអាល្លឺម៉ង់ Eintracht Frankfurt នៅឆ្នាំ២០២៤នេះ។
ពាក់ព័ន្ធនឹងការចែកផ្លូវគ្នានេះដែរ កីឡាករហុល្លង់វ័យ ២៧ឆ្នាំរូបនេះបានសរសេរសារអរគុណប្រិយមិត្តរបស់ក្លឹបបិសាចក្រហម ហើយសង្ឃឹមថានឹងជួបអ្នកទីក្រុង Manchester ម្ដងទៀតនៅពេលខាងមុខ។ យ៉ាងណាមិញ កីឡាកររូបនេះនៅមិនទាន់ប្រកាសពីក្លឹបបន្ទាប់ ដែលខ្លួននឹងទៅលេងនោះទេ។
បើតាមប្រភពជាច្រើន កីឡាកររូបនេះនឹងទៅលេងនៅក្លឹបអេស្ប៉ាញ Girona ដែលជាក្លឹបជាប់លេខ ៣ នៅក្របខ័ណ្ឌលីគអេស្ប៉ាញ La Liga៕