- 2024-07-09 06:41:00
- បាល់ទាត់
Luke Shaw ៖ ខ្ញុំរួចរាល់ក្នុងការចូលលេងឲ្យអង់គ្លេសពេញ៩០នាទី
- 2024-07-09 06:41:00
- ចំនួនមតិ 0 | ចំនួនចែករំលែក 0
Luke Shaw ៖ ខ្ញុំរួចរាល់ក្នុងការចូលលេងឲ្យអង់គ្លេសពេញ៩០នាទី
ចន្លោះមិនឃើញ
Luke Shaw ជាខ្សែការពារស្លាបសំណព្វចិត្តរបស់លោក Gareth Southgate ដោយគេមិនបានចូលលេងទេក្នុងការប្រកួត៤លើកកន្លងមក គិតចាប់ពីការប្រកួតជម្រុះតាមក្នុងពូល និងឈានចូលមកដល់វគ្គ១៦ក្រុមចុងក្រោយនៃព្រឹត្តិការណ៍ EURO 2024 ប៉ុន្តែក៏បានប្ដូរចូលក្នុងការប្រកួតទី៥ វគ្គ៨ក្រុមចុងក្រោយកាលឈ្នះ ស្វីស ដោយបាល់ប៉េណាល់ទី ៥-៣។
ក្នុងបទសម្ភាសន៍គេបាននិយាយថា គេមានទំនុកចិត្តក្នុងការចូលលេងឲ្យក្រុមជម្រើសជាតិរបស់ខ្លួនពេញ៩០នាទីបន្ទាប់ពីជាពីរបួសសរសៃពួរ «បាទ!ប្រាកដណាស់ខ្ញុំ Fit ១០០ ហើយ ខ្ញុំអាចលេងបានពេញជូនក្រុមជម្រើសជាតិខ្ញុំ។ អ្វីៗសម្រេចលើ Gareth Southgate ថាគាត់ព្រមដាក់ខ្ញុំឲ្យលេងអត់ តែសម្រាប់ខ្ញុំគឺពេញល្អណាស់ ហើយរួចរាល់ និងកំពុងតែត្រៀមខ្លួនសម្រាប់ការបង្ហាញខ្លួនលើទីលាន»។
Shaw មកកាន់ប្រទេសអាល្លឺម៉ង់គឺគេមានរបួសស្រាប់ទៅហើយ ពោលគឺគេមានរបួសសរសៃពរនេះតាំងពីខែកុម្ភៈ ឆ្នាំ២០២៤ កាលលេងនៅក្លឹប Manchester United របស់គេម្ល៉េះ ប៉ុន្តែលោក Gareth Southgate ស្រលាញ់ទម្រង់លេងរបស់ Shaw និងបានចាត់ទុកជាខ្សែការពារសំណព្វចិត្តរបស់លោក បើទោះជាមានរបួសក៏ហៅមកចូលរួមជម្រើសជាតិដែរ។ ជាក់ស្ដែងពេលនេះគេបានជាទាន់ពេលវេលា ហើយជាពេលដែលសំខាន់ក្នុងការលេងវគ្គពាក់កណ្ដាលផ្ដាច់ព្រ័ត្រទល់ក្រុមជម្រើសជាតិហុល្លង់នាយប់ថ្ងៃទី១០ វេលាម៉ោង២យប់រំលងអាធ្រាត្រឈានចូលថ្ងៃទី១១ ខែកក្កដា ឆ្នាំ២០២៤។
បើនិយាយទៅ៤ប្រកួតកន្លងមក Shaw មិនបានចូលលេងទេ ហើយការចាប់ផ្ដើមប្រកួតទី១ក្នុងក្រុមជម្រើសជាតិអង់គ្លេសគឺប្ដូរចូលនាទីទី៧៨ ក្នុងជំនួបយកឈ្នះ ស្វីស ដោយបាល់កាត់សេចក្ដីប៉េណាល់ទី ៥-៣ ។ ទោះជាយ៉ាងណាលោក Gareth Southgate ក៏បានបញ្ជាក់ដែរថា ជុំរិញរបួសនេះក្រុមការងារជឿថា Shaw ជាសះស្បើយទាន់ពេលវេលាតាំងពីវគ្គជម្រុះតាមពូលមកម្ល៉េះ ប៉ុន្តែដោយសារតែរាងកាយរបស់ Shaw ជាមកវិញមិនទាន់ទើបអូសបន្លាយមកដល់ពេលនេះទើបជាសះស្បើយបែបនេះ៕
