![](http://cdn.sabay.com/cdn/media.sabay.com/media/sabay-news/Sport-News/International-Sports/Freelancer-Sport/football(131)/6683ea326160e_1719921180_medium.jpg)
- 2024-07-02 12:01:38
- ព័ត៌មាន
ទាយមើល Ronaldo ធ្លាប់ស៊ុតប៉េណាល់ទីអត់ចូលប៉ុន្មានដង?
- 2024-07-02 12:01:38
- ចំនួនមតិ 0 | ចំនួនចែករំលែក 0
ទាយមើល Ronaldo ធ្លាប់ស៊ុតប៉េណាល់ទីអត់ចូលប៉ុន្មានដង?
ចន្លោះមិនឃើញ
ខ្សែប្រយុទ្ធក្រុមជម្រើសជាតិព័រទុយហ្គាល់ Cristiano Ronaldo បានសម្រកទឹកភ្នែកក្រោយស៊ុតបាល់ទាត់ប៉េណាល់ទីកាត់សេចក្ដីអត់ចូល នៅក្នុងប្រកួតវគ្គ១៦ក្រុមនៃព្រឹត្តិការណ៍ Euro 2024 ប៉ះនឹងក្រុមជម្រើសជាតិស្លូវេនីកាលពីយប់ម្សិលមិញ។ ជាកុសលល្អ ក្រុមព័រទុយហ្គាល់បានឡើងទៅវគ្គបន្ទាប់ ក្រោយឈ្នះវគ្គប៉េណាល់ទីកាត់សេចក្ដីក្នុងលទ្ធផល ៣ ទល់នឹង ០។
យ៉ាងណាមិញ បើក្រឡេកមកមើល Ronaldo វិញ ប្រិយមិត្តភាគច្រើនស្គាល់ថា កីឡាកររូបនេះជាកីឡាករជើងឯកខាងបាល់ ១១ម៉ែត្រ។
បើតាមការចុះផ្សាយរបស់សារព័ត៌មាន AS បុរសជនជាតិព័រទុយហ្គាល់វ័យក្បែរ ៤០ឆ្នាំរូបនេះមានឱកាសស៊ុតបាល់ពិន័យ ១១ម៉ែត្រ ១៩៤ដង ហើយស៊ុតចូល ១៦៤ដង ដោយទាត់មិនចូលទីចំនួន ៣០ដង។ បើគិតជាភាគរយវិញ Ronaldo ស៊ុតបាល់ប៉េណាល់ទីចូលចំនួន ៨៤,៥%។
ក្រៅពីព្រឹត្តិការណ៍ Euro 2024 នេះ Ronaldo ធ្លាប់ស៊ុតបាល់ប៉េណាល់ទីអត់ចូល នៅក្នុងការប្រកួតដ៏ស្វិតស្វាញមួយចំនួនដូចជា វគ្គផ្ដាច់ព្រ័ត្រនៃព្រឹត្តិការណ៍បាល់ទាត់ក្របខ័ណ្ឌកំពូលអឺរ៉ុប UEFA Champions League កាលពីឆ្នាំ២០០៨ជាដើម។ នៅកាលនោះ Ronaldo លេងនៅក្លឹបបិសាចក្រហម Manchester United ស៊ុតអត់ចូលនឹងសំណាញ់ទីការពារដោយអ្នកចាំទីក្លឹប Cheslea លោក Petr Čech៕