![](http://cdn.sabay.com/cdn/media.sabay.com/media/sabay-news/Sport-News/International-Sports/Freelancer-Sport/football(131)/667e8003bb0d4_1719566280_medium.jpg)
- 2024-06-28 11:12:07
- ព័ត៌មាន
ដឹងទេថា សម្ដេច ហ៊ុន សែន គាំទ្រក្រុមជម្រើសជាតិណានៅក្នុង Euro 2024?
- 2024-06-28 11:12:07
- ចំនួនមតិ 0 | ចំនួនចែករំលែក 0
ដឹងទេថា សម្ដេច ហ៊ុន សែន គាំទ្រក្រុមជម្រើសជាតិណានៅក្នុង Euro 2024?
ចន្លោះមិនឃើញ
សម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជាបានមានប្រសាសន៍កាលពីព្រឹកមិញនេះថា លោកគាំទ្រក្រុមជម្រើសជាតិអាល្លឺម៉ង់ នៅក្នុងព្រឹត្តិការណ៍បាល់ទាត់អឺរ៉ុប Euro 2024។
ថ្លែងក្នុងអង្គមទ្ទិញនៃខួបទី៧៣ឆ្នាំនៃគណបក្សប្រជាជនកម្ពុជា សម្ដេចប្រធានបក្សបានលើកឡើងថា៖ «ថ្ងៃនេះ បើមើលមុខឯកឧត្ដម លោកជំទាវ អស់លោក លោកស្រី ដូចមិនសូវស្លក់ប៉ុន្មានទេ។ បើសិនជាយើងធ្វើមទ្ទិញម្សិលមិញ ប្រហែលជាស្លក់បន្តិច ដោយសារតែទាំងអស់គ្នាតាមដាមបាល់ទាត់ក្បែរៗភ្លឺ»។
សម្ដេចតេជោប្រធានព្រឹទ្ធសភាបានបន្ថែមថា៖ «មិនដឹងថាពីណា ឈ្នះប៉ុន្មាន អីប៉ុន្មានទេ …ខ្ញុំច្បាស់ជាយកអាល្លឺម៉ង់ហើយ»។
អាល្លឺម៉ង់នឹងប៉ះដាណឺម៉ាក នៅក្នុងវគ្គ១៦ក្រុមចុងក្រោយ ដែលនឹងប្រព្រឹត្តិទៅនៅយប់ថ្ងៃសោរ៍សប្ដាហ៍នេះ ម៉ោង២យប់រំលងអធ្រាត្រចូលថ្ងៃអាទិត្យ។
សូមជម្រាបផងដែរថា អតីតនាយករដ្ឋមន្ត្រីកម្ពុជា សម្ដេចតេជោ ហ៊ុន សែន ជាអ្នកគាំទ្រវិស័យបាល់ទាត់មួយរូប។ កាលពីព្រឹត្តិការណ៍ World Cup 2022 នៅប្រទេសកាតា លោកគាំទ្រក្រុមបារាំង។ ចំណែកឯនៅក្នុងវិស័យបាល់ទាត់ជាតិវិញ អស់រយៈពេលជាច្រើនឆ្នាំហើយ សម្ដេចបានឧបត្ថម្ភបាល់ទាត់ជាតិតាមរយៈព្រឹត្តិការណ៍ពានរង្វាន់សម្ដេច ដែលហៅជាភាសាអង់គ្លេសថា Hun Sen Cup ដែលជាពានមួយមានទម្រង់ស្រដៀងនឹងពាន FA នៃប្រទេសអង់គ្លេស៕