/667d4ab6099f9_1719487140_medium.jpg)
- 2024-06-27 12:21:19
- បាល់ទាត់
Mbappe មិនពេញចិត្តពាក់ម៉ាសចូលលេង Euro 2024
- 2024-06-27 12:21:19
- ចំនួនមតិ 0 | ចំនួនចែករំលែក 0
Mbappe មិនពេញចិត្តពាក់ម៉ាសចូលលេង Euro 2024
ចន្លោះមិនឃើញ
ខ្សែប្រយុទ្ធ Kylian Mbappe ត្រូវបានគេរាយការណ៍ថា មិនពេញចិត្តនឹងពាក់ម៉ាសពិសេសក្នុងការចូលលេងប្រកួត Euro 2024។ នេះបើយោងតាមការចុះផ្សាយរបស់ Goal នៅក្នុងថ្ងៃនេះ។
មូលហេតុនៃការមិនពេញចិត្តនេះ ព្រោះតែម៉ាសនេះមានសភាពក្រាសជាងធម្មតា ដែលមានកម្រាសរហូតទៅដល់ ៥mm ដែលធ្វើឲ្យកម្រិតនៃការមើលក្នុងសភាពឆ្ងាយរបស់គេមានកម្រិតខ្លាំង ធ្វើឲ្យទម្រង់លេងរបស់គេមានភាពច្របូកច្របល់។
ការផលិតម៉ាសនេះធ្វើឡើងភ្លាមៗ ក្រោយកីឡាករនេះត្រូវបានពិនិត្យឃើញថាមានការបាក់ខ្ទង់ច្រមុះ ប៉ុន្តែមិនតម្រូវឲ្យវះភ្លាមៗ ដូច្នេះម៉ាសនេះអាចនឹងមានសភាពទៅតាមអ្វីដែល Mbappe ចង់បាន។
កាលពីបារាំងយកឈ្នះក្រុមជម្រើសជាតិអូទ្រីសក្នុងលទ្ធផល ១ ទល់នឹង ០ នៅក្នុងប្រកួតបើកឆាកនៅពូល D ដោយនៅក្នុងតង់ទី២ អនាគតកីឡាករក្លឹប Real Madrid រូបនេះបានបុកជាមួយនឹងកីឡាករអូទ្រីស Kevin Danso ដែលបណ្ដាលឱ្យឈាមច្រាបចេញពីខ្ទង់ច្រមុះរបស់ខ្លួន។ Mbappe ក៏ត្រូវបានផ្លាស់ចេញពីការប្រកួតភ្លាមៗក្រោយមានឧបទ្ទវហេតុនេះកើតឡើង។
ដំបូងឡើយ មានការព្រួយបារម្ភថា Mbappe នឹងត្រូវឆ្លងកាត់ការវះកាត់ខ្ទង់ច្រមុះ។ ការវះកាត់នេះអាចនឹងបណ្ដាលឱ្យកីឡាករបារាំងរូបនេះខកខានជួយប្រទេសរបស់ខ្លួនរហូតដល់វគ្គ ៨ក្រុមចុងក្រោយឯណោះ។
យ៉ាងណាមិញ ខាងសហព័ន្ធបាល់ទាត់បារាំងបានចេញសេចក្ដីថ្លែងការណ៍ថា «Kylian Mbappe បានត្រលប់មកហ្វឹកហាត់នៅជំរំបាល់ទាត់បារាំងហើយ។ លោកនឹងទទួលបានការព្យាបាលនៅប៉ុន្មានថ្ងៃខាងមុខ ដោយមិនឆ្លងកាត់ការវះកាត់ភ្លាមៗនោះទេ។ ម៉ាសពិសេសមួយនឹងត្រូវផ្ដល់ជូន ដើម្បីឱ្យកីឡាករពាក់អាវលេខ ១០រូបនេះគិតគូរក្នុងការបន្តលេងនៅក្នុងព្រឹត្តិការណ៍នេះ (Euro 2024) ក្រោយពេលដែលទទួលបានការព្យាបាលរួច»។
ក្រោយចូលលេងពាក់ម៉ាសប៉ុន្មានប្រកួតកន្លងមក កីឡាករនេះក៏បង្ហាញភាពមិនពេញចិត្តនឹងការចូលលេងពាក់ម៉ាសនេះ៕
