​ក្រុម​ជម្រើ​ស​ជាតិ​អង់គ្លេស នឹង​ត្រូវ​ជួប​ក្រុម​ខ្លាំង ដាណឺម៉ាក​ ​នៅ​ទឹក​ដី Frankfurt Arena ​នា​វេលា​ម៉ោង​១១​:០០​ នាទី​យប់​​ថ្ងៃ​ទី​២០ ខែ​មិថុនា​ ឆ្នាំ​២០២៤ ។ ក្នុង​ប្រកួត​នោះ​គេ​មើល​ឃើញ​ថា ប្រសិន​បើ​អង់គ្លេស​មិន​ចង់​​ឲ្យ​អ្នក​គាំទ្រ​របស់​ខ្លួន​ទឹក​ភ្នែក​ទេ​នោះ​គួរតែ​ប្ដូរ TAA ( Trent Alexander-Arnold ) ចេញ​ពី​តំបន់​កណ្ដាល​ដាក់​ជំនួស​ដោយ Conor Gallagher ខ្សែ​បម្រើ​កណ្ដាល​របស់​ Chelsea ម្នាក់​នេះ​វិញ​។

​គេ​នៅ​ចាំ​បាន​ថា ការ​ប្រកួត​បើក​ឆាក​​អង់គ្លេស​យក​បាន​៣​ពិន្ទុ​ពី​ក្រុ​ម​ជម្រើស​ជាតិ​​​ ស៊ែប ជា​មួយ​លទ្ធផល​១-០ ហើយ​ជ័យ​ជម្នះ​នោះ​​គេ​មើល​ឃើញ​ថា ​លោក​​ Gareth Southgate​ ​គ្រូ​ជម្រើស​ជាតិ​អង់គ្លេស​បាន​យក​ Trent Alexander-Arnold ទៅ​ដាក់​នៅ​លេង​កណ្ដាល​​​។​ ដ្បិត​ថា​​មិន​អាក្រក់​ ប៉ុន្តែ​កន្លែង​នេះ​កីឡាករ​របស់​ Liverpool ​​​​ធ្វើ​ហាក់​មិន​សូវ​បាន​ល្អ​ដូច​កាល​លេង​នៅ​ហង្ស​ក្រហម​ ដែល​ធ្លាប់​លេង​នៅ​ស្លាប​ចុះ​លឿន​ឡើង​លឿន​ឡើយ​។ ​

ជុំ​វិញ​ចំណុច​នេះ Goal.Com សូម​​បង្ហាញ​គំនិត​​ក្នុង​ការ​​​ដាក់​កីឡាករ​​របស់​អង់គ្លេស​បែប​នេះ​វិញ​ថា៖ អ្នក​ចាំ​ទី​៖ Jordan Pickford ខ្សែការពារ Kyle Walker, John Stones, Marc Guehi, Joe Gomez ​ខ្សែ​បម្រើ​ការពារ​គួរ​តែ​ដាក់​ Declan Rice, Conor Gallagher ខ្សែ​បម្រើ​ប្រយុទ្ធ​គួរ​តែ​ Bukayo Saka (ស្លាប​ស្ដាំ ) , Jude Bellingham (កណ្ដាល​ ) , Phil Foden (ស្លាប​ឆ្វេង​) និង​ប្រយុទ្ធ​កណ្ដាល​ Harry Kane ៕