តំណាងអង្គការផ្កាយសមុទ្រ៖ បាល់ទាត់ធ្វើឲ្យក្មេងៗមានផ្លាស់ប្ដូរមកចេះប្រាស្រ័យទាក់ទងក្នុងសង្គម

2024-06-18 07:24:53
បាល់ទាត់

2024-06-18 07:24:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណាងអង្គការផ្កាយសមុទ្រ បង្ហាញនូវចិត្តសប្បាយរីករាយជាខ្លាំងនៅពេលឃើញក្មេងៗ កុមា កុមារី មកចូលរួមបាល់ប្រកួតបាល់ទាត់ពានរង្វាន់ AIA - ISF Grand Championship តែងតែមានការផ្លាស់ប្ដូរពីមួយឆ្នាំទៅមួយឆ្នាំប្រែជាក្លាហាន និងប្រាស្រ័យទាក់ទងក្នុងសង្គម។

លោកស្រី ជួប វិច្ឆិកា នាយិកាប្រតិបត្តិរបស់អង្គការផ្កាយសមុទ្របានឲ្យដឹងថា ព្រឹត្តិការណ៍ប្រកួតបាល់ទាត់វិលជុំកុមារ និងយុវជន វគ្គផ្ដាច់ព្រ័ត្រ AIA - ISF Grand Championship ដែលប្រកួតតាំងពីខែកុម្ភៈគឺបានបញ្ចប់ជាផ្លូវការហើយ។ លោកស្រីសប្បាយរីករាយដែលបានប្រមូលក្រុមបាល់ទាត់កុមារៗឆ្នើមមកពីខេត្តបន្ទាយមានជ័យ និងខេត្តកំពតឡើងមកប្រកួតផ្ដាច់ព្រ័ត្រនៅរាជធានីភ្នំពេញនេះ។

ថ្នាក់ដឹកនាំឆ្នើម និងស្រឡាញ់ក្មេងៗខ្លាំងខាងលើនេះបន្ថែមទៀតថា ព្រឹត្តិការណ៍កីឡាបាល់ទាត់នេះបានធ្វើឲ្យក្មេងៗមានការផ្លាស់ប្ដូរពីមួយឆ្នាំទៅមួយឆ្នាំ។ កុមារដែលមកចូលរួមមានភាពជឿជាក់លើខ្លួនឯង ក្លាហាន និងចេះប្រាស្រ័យទាក់ទងក្នុងសង្គមជាមួយមិត្តភ័ក្ដិ លោកគ្រូ អ្នកគ្រូ។

អង្គការផ្កាយសមុទ្រដែលរៀបចំការប្រកួតបាល់ទាត់នេះឡើងមិនត្រឹមតែបង្រៀនជំនាញបាល់ទាត់នោះទេ ពោលបង្ហាត់បង្រៀនពីការរស់នៅក្នុងសង្គម ការចេះធ្វើការជាក្រុម និងចេះនាំគ្នាដោះស្រាយបញ្ហារួមគ្នា។ ដូច្នេះបាល់ទាត់មិនត្រឹមតែជួយឲ្យមានសុខភាពល្អ រាងកាយមាំមួននោះទេគឺជួយដល់ស្មារតីកុមារដែលចូលរួមផងដែរ។

បញ្ជាក់ផងដែរថា ព្រឹត្តិការណ៍ប្រកួតបាល់ទាត់វិលជុំនេះត្រូវបានផ្តួចផ្តើមរៀបចំឡើងដោយអង្គការ ផ្កាយសមុទ្រ (ISF) ក្រោមការជួយឧបត្ថម្ភជ្រោមជ្រែងដោយក្រុមហ៊ុនធានារ៉ាប់រងអាយុជីវិត និងសុខ ភាព AIA Cambodia។ ការប្រកួតនេះបានបិទបញ្ចប់ទៅកាលពីកាលពីព្រឹកថ្ងៃទី១៦ ខែមិថុនា ឆ្នាំ២០២៤ នៅទីលានបាល់ទាត់ AIA Stadium។ វគ្គផ្តាច់ព្រ័ត្រនេះមានកីឡាករកីឡាការនីចូលរួមសរុបចំនួន 192នាក់ មកពី 16ក្រុម ក្នុងរាជធានីភ្នំពេញ, ក្រុងកំពត និងខេត្តបន្ទាយមានជ័យ ដោយប្រកួតទៅតាមប្រភេទ អាយុផ្សេងៗ។ នេះគឺជាឆ្នាំទី៧ ហើយដែលក្រុមហ៊ុនធានារ៉ាប់រងអាយុជីវិត និងសុខភាព AIA Cambodia បានជួយឧបត្ថម្ភជ្រោមជ្រែងព្រឹត្តិការណ៍ប្រកួតបាល់ទាត់វិលជុំកុមារ និងយុវជន AIA - ISF Youth League ដែលជាការប្រកួតបាល់ទាត់ថ្នាក់មូលដ្ឋានដ៏ធំមួយក្នុងប្រទេសកម្ពុជាជាមួយអង្គការផ្កាយសមុទ្រ៕