![](http://cdn.sabay.com/cdn/media.sabay.com/media/sabay-news/Sport-News/International-Sports/Freelancer-Sport/football(128)/666173b673d68_1717662600_medium.png)
- 2024-06-06 11:42:15
- បាល់ទាត់
Luka Modric បានបន្តកុងត្រាថ្មីជាមួយក្លឹប Real Madrid
- 2024-06-06 11:42:15
- ចំនួនមតិ 0 | ចំនួនចែករំលែក 0
Luka Modric បានបន្តកុងត្រាថ្មីជាមួយក្លឹប Real Madrid
ចន្លោះមិនឃើញ
ខ្សែបម្រើ Luka Modric បានធ្វើការបន្តកុងត្រាថ្មីជាមួយក្លឹប Real Madrid នៅក្នុងថ្ងៃនេះ។ បើយោងតាមការចុះផ្សាយរបស់ Fabrizio Romano ។
កីឡាករនេះ និងក្លឹបបានព្រមព្រៀងគ្នាបន្តកុងត្រាថ្មីរយៈពេល១ឆ្នាំ រហូតដល់ថ្ងៃទី៣០ ខែមិថុនា ឆ្នាំ២០២៥។
Modric ត្រូវបានគេដឹងថាបានចុះកុងត្រា និងបញ្ចប់ឯកសារត្រូវរ៉ូវគ្នារួចរាល់អស់ហើយដោយរង់ចាំតែការប្រកាសជាផ្លូវការ។
ការបន្តលេងនៅក្លឹប Real Madrid នេះជាក្ដីស្រមៃរបស់ Modric ដោយកីឡាករចង់ចូលនិវត្តន៍នៅក្លឹបនេះតែម្ដង។
កីឡាករនេះធ្លាប់និយាយទៅកាន់សារព័ត៌មានកាលពីចុងខែកន្លងទៅនេះថា៖" ខ្ញុំតែងតែនិយាយថា ខ្ញុំចង់ចូលនិវត្តន៍នៅក្លឹបមួយនេះ នេះជាអ្វីដែលខ្ញុំចង់បាន។ វាដូចជាសុបិនអញ្ចឹង ខ្ញុំចាត់ទុកទីនេះជាផ្ទះរបស់ខ្ញុំ។ Real Madrid នៅតែជាក្លឹបនៃជីវិតរបស់ខ្ញុំ។ ខ្ញុំចង់បាន Farewell ដូច Toni Kroos ដែរ ពិតជាអស្ចារ្យមែនទែន "។
បើតាមការចុះផ្សាយរបស់ The Athletic កីឡាករនេះសុខចិត្តកាត់ប្រាក់ខែរបស់ខ្លួនដើម្បីតែនៅបន្ត Real Madrid ព្រោះតែចង់បន្តប្រវត្តិសាស្ត្រជាមួយក្លឹបនេះ។
Modric ជាកីឡាករដែលមកលេងឲ្យ Real តាំងពីឆ្នាំ២០១២មក ដោយចូលលេងប្រកួតសរុប ៥៣៤ប្រកួត និងស៊ុតចូល ៣៩គ្រាប់។ កីឡាករនេះបានជួយឲ្យក្លឹបឈ្នះពានតូចធំអស់ហើយដោយធ្លាប់ឈ្នះពានលីគកំពូល និង UEFA Champions League ជាដើម។ កីឡាករនេះក៏ធ្លាប់ឈ្នះពាន Ballon D'or ផងដែរក្នុងអាជីពបាល់ទាត់របស់គេ៕