- 2024-03-15 13:12:08
- ព័ត៌មាន
Man Utd ត្រូវបានបុគ្គលិករបស់ខ្លូនប្ដឹង ទាក់ទិននឹងរឿងព័ត៌មានសម្ងាត់ផ្ទាល់ខ្លួន
- 2024-03-15 13:12:08
- ចំនួនមតិ 0 | ចំនួនចែករំលែក 0
Man Utd ត្រូវបានបុគ្គលិករបស់ខ្លូនប្ដឹង ទាក់ទិននឹងរឿងព័ត៌មានសម្ងាត់ផ្ទាល់ខ្លួន
ចន្លោះមិនឃើញ
បុគ្គលិកក្លឹប Manchester United ចំនួន ៣២នាក់បានធ្វើការប្ដឹងផ្ដល់ក្លឹបបិសាចក្រហម ទាក់ទិននឹងរឿងលេចធ្លាយព័ត៌មានសម្ងាត់ផ្ទាល់ខ្លួន។ នេះបើតាមការចុះផ្សាយរបស់សារព័ត៌មាន The Sun។
រឿងលេចធ្លាយព័ត៌មានសម្ងាត់កើតឡើងតាំងពីឆ្នាំ២០១៨។ រឿងនេះដែរគឺកើតឡើង ដោយសារតែខាងក្រុមធនធានមនុស្សរបស់ក្លឹបច្រឡំភ្លាត់ដៃផ្ញើរសារអេឡិចត្រូនិក ដែលផ្ទុកនូវឯកសារផ្ទាល់ខ្លួនរបស់បុគ្គលិក (ព័ត៌មានពាក់ព័ន្ធនឹងប្រាក់ខែ ឈ្មោះបុគ្គលិក លេខប័ណ្ណធានារ៉ាប់រ៉ងជាតិ...) ទៅកាន់បុគ្គលិកកុងត្រារបស់ក្លឹប។
ខាងមេធាវីតំណាងបុគ្គលិកទាំង ៣២រូបនោះបានអះអាងថា ទោះជារឿងនេះកើតឡើងតាំងពីឆ្នាំ២០១៨មែន ក៏ម្ចាស់ក្លឹបត្រូវដោះស្រាយឱ្យសមស្រប។ តាំងពីឆ្នាំ២០១៨មក ក្រុមបុគ្គលិកដែលរងផលប៉ះពាល់នេះបានដាក់ពាក្យបណ្ដឹងជាច្រើនដងមកហើយ តែមិនបានសម្រេច។ ខាងបុគ្គលិកប្ដឹងទារសំណងសរុបក្បែរ ១៣ម៉ឺនដុល្លារអាមេរិក។
យ៉ាងណាមិញ ខាងក្លឹបបានឆ្លើយតបថា ខាងក្លឹបនឹងចាត់វិធានការណាមួយ ដើម្បីបង្ការកុំឱ្យមានករណីនេះកើតឡើងជាថ្មីទៀត៕
