- 2024-02-28 06:31:40
- បាល់ទាត់
«ពានរង្វាន់បាល់ទាត់ក្រសួងមហាផ្ទៃ លើកទី១» ជាការបង្កើតនូវបរិយាកាសថ្មី
- 2024-02-28 06:31:40
- ចំនួនមតិ 0 | ចំនួនចែករំលែក 0
«ពានរង្វាន់បាល់ទាត់ក្រសួងមហាផ្ទៃ លើកទី១» ជាការបង្កើតនូវបរិយាកាសថ្មី
ចន្លោះមិនឃើញ
«ពានរង្វាន់បាល់ទាត់ក្រសួងមហាផ្ទៃ លើកទី១» នេះជាការបង្កើតនូវបរិយាកាសថ្មីមួយគឺសាមគ្គីភាពរវាងអគ្គនាយកដ្ឋាននានាចំណុះក្រសួងមហាផ្ទៃបានប្រកួតដើម្បីសុខភាព មិត្តភាព និងការគាំទ្រវិស័យកីឡានៅកម្ពុជា។
ឯកឧត្ដម សរ សិទ្ធិ រដ្ឋលេខាធិការក្រសួងមហាផ្ទៃ ទទួលការងារអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ និងជាប្រធានគណៈកម្មការរៀបចំការប្រកួតបានលើកឡើងថា «ពានរង្វាន់បាល់ទាត់ក្រសួងមហាផ្ទៃ លើកទី១» ជាគំនិតផ្ដួចផ្ដើមឡើងរបស់រដ្ឋមន្ត្រីក្រសួងមហាផ្ទៃឯកឧត្ដម ស សុខា។
ប្រធានគណៈកម្មការរៀបចំការប្រកួតថ្លែងបន្តទៀតថា គោលបំណងនៃការរៀបចំពានរង្វាន់បាល់ទាត់ខាងលើនេះឡើង គឺរួមចំណែកលើកកម្ពស់វិស័យកីឡាបាល់ទាត់ បណ្ដុះស្មារតីស្រលាញ់កីឡាដើម្បីសុខភាព និងរឹតចំណងសាមគ្គីភាព មិត្តភាព រវាងអគ្គនាយកដ្ឋាននានាចំណុះក្រសួងមហាផ្ទៃ។ ការរៀបចំលើកទី១ នេះមានការចូលរួមពីបណ្ដាក្លឹបអគ្គស្នងការដ្ឋាន ក្លឹបអគ្គលេខាធិការដ្ឋាន ក្លឹបអគ្គនាយកដ្ឋាននានាសរុបចំនួន ១៥ក្លឹប ដែលបានដាក់ពាក្យចូលរួម។
បញ្ជាក់ដែរថា «ពានរង្វាន់បាល់ទាត់ក្រសួងមហាផ្ទៃ លើកទី១» ធ្វើការប្រកួតរយៈពេលជិត១ខែនៅទីលានបាល់ទាត់នៃពហុកីឡដ្ឋានជាតិ។ ការប្រកួតនេះនឹងចាប់ផ្ដើមពីថ្ងៃទី១ ខែមីនា ឆ្នាំ២០២៤ នេះតទៅ។ សម្រាប់ក្រុមចូលរួមសរុបមាន ១៥ក្រុម និងបែងចែកជា ៤ពូលគឺ ពូល A ពូល B ពូល C មាន៤ក្រុម និង ពូល D មាន៣ក្រុម៕
