- 2024-01-25 04:26:01
- បាល់ទះ
រត់រួច ឬអត់វិសាខា ថ្ងៃសុក្រប៉ះ អង្គរក្ស ថ្ងៃសៅរ៍ ប៉ះ មហាផ្ទៃ សុទ្ធតែក្រុមខ្លាំងៗ
- 2024-01-25 04:26:01
- ចំនួនមតិ 0 | ចំនួនចែករំលែក 0
រត់រួច ឬអត់វិសាខា ថ្ងៃសុក្រប៉ះ អង្គរក្ស ថ្ងៃសៅរ៍ ប៉ះ មហាផ្ទៃ សុទ្ធតែក្រុមខ្លាំងៗ
ចន្លោះមិនឃើញ
កក្រើកហើយក្នុងវិស័យបាល់ទះនៅកម្ពុជាសប្ដាហ៍នេះពានរង្វាន់តេជោលីគ ឆ្នាំ២០២៤ ស្អែកនេះក្រុមខ្លាំងៗប៉ះគ្នាគឺក្រុមមិនដែលចាញ់ វិសាខា ប៉ះ បញ្ជាការដ្ឋានអង្គរក្ស នៅថ្ងៃសុក្រ ខណៈថ្ងៃសៅរ៍ វិសាខា បន្តធ្វើការធ្ងន់ដោយត្រូវប៉ះ ក្រសួងមហាផ្ទៃ។
ការប្រកួតពានរង្វាន់ តេជោលីគ សប្ដាហ៍នេះអាចនិយាយបានថាជាការប្រកួតធំ និងគួរឲ្យចាប់អារម្មណ៍បំផុតពីសំណាក់អ្នកតាមដានវិស័យកីឡាបាល់ទះនៅកម្ពុជា។ អ្វីដែលប្រិយមិត្តទន្ទឹងចាំមើលនោះគឺការប៉ះគ្នារវាងក្រុមធំៗទាំង៣ វិសាខា បញ្ជាការដ្ឋានអង្គរក្ស និងក្រសួងមហាផ្ទៃនេះហើយ។
វិសាខា ជាក្រុមមិនទាន់ចាញ់សោះ ៥ប្រកួតកន្លងទៅកំពុងមាន ១៥ពិន្ទុពេញ ដូច្នេះហើយអ្នកគាំទ្រចង់ដឹងថាសប្ដាហ៍នេះក្លឹបធំនៅកម្ពុជាមួយនេះអាចបន្តមិនចាញ់ទៀត ឬយ៉ាងណា ព្រោះប៉ះ បញ្ជាការដ្ឋានអង្គរក្ស ក្រុមល្អមានកីឡាករបរទេសមកពីឥណ្ឌូណេស៊ី។ ការលើកបាល់ ការម៉ាត់ផ្ដាច់ ស្មាត់ឆ្វេង ស្មាត់ស្ដាំង ឌឺមី សុទ្ធតែមានគុណភាពទាំងអស់។ ក្រៅតែប៉ះ អង្គរក្ស ហើយវិសាខា នៅថ្ងៃសៅរ៍ត្រូវធ្វើការធ្ងន់១ប្រកួតទៀតគឺប៉ះ ក្រសួងមហាផ្ទៃ ខណៈក្រុមមួយនេះក៏ល្អ និងមានកីឡាករខ្មែរ-វៀតណាម មកលេងឲ្យទៀតផង។ ទាំងនេះហើយធ្វើឲ្យអ្នកតាមដានចង់ដឹងលទ្ធផល និងចង់ទស្សនាការប្រកួតសប្ដាហ៍នេះជាខ្លាំង។
បញ្ជាក់ដែរថា ការប្រកួតពានរង្វាន់តេជោលីក ឆ្នាំ២០២៤ នៅថ្ងៃសុក្រ ទី២៦ វេលាម៉ោង ១ថ្ងៃត្រង់ វិសាខា ប៉ះ បញ្ជាការដ្ឋានអង្គរក្ស។ ថ្ងៃសៅរ៍ ទី២៧ វេលាម៉ោង ៧យប់ វិសាខា ប៉ះ ក្រសួងមហាផ្ទៃ។ រាល់ការប្រកួតមិនមានលក់សំបុត្រនោះទេនៅក្នុងពហុកីឡដ្ឋានជាតិ ដូច្នេះមហាជនចង់ទស្សនាផ្ទាល់អាចអញ្ជើញទៅបាន៕
