សមាគមបាល់ទាត់អង់គ្លេស កសាងសំណុំក្ដីប្រឆាំងគ្រូ Arsenal

2023-11-17 11:11:37
ព័ត៌មាន

2023-11-17 11:11:37
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាគមបាល់ទាត់អង់គ្លេស ឬ ហៅកាត់ថា FA កំពុងតែកសាងសំណុំក្ដីប្រឆាំងនឹងគ្រូបង្គោលក្លឹប Arsenal លោក Mikel Arteta ក្រោយពេលដែល បុរសជនជាតិអេស្ប៉ាញរូបនេះ បង្ហាញមិនសប្បាយចិត្តពាក់ព័ន្ធនឹងការសម្រេចចិត្តរបស់ប្រព័ន្ធវីដេអូជំនួយអាជ្ញាកណ្ដាល VAR។

Arsenal បានចាញ់ ១-០ ពេលលេងទល់នឹងក្លឹប Newcastle កាលពីថ្ងៃអាទិត្យទី ៥ ខែវិច្ឆិកា។ នៅពេលនោះដែរ គ្រាប់បាល់មួយគ្រាប់នោះ មានភាពចម្រូងចម្រាស់ ដោយមានការត្រួតពិនិត្យលើប្រព័ន្ធ VAR ដល់ទៅ ៣ដងឯណោះ។

ពាក់ព័ន្ធនឹងរឿងនេះដែរ Arteta បានហៅការសម្រេចចិត្តក្នុងការអនុញ្ញាតឱ្យ Newcastle ទទួលបានគ្រាប់បាល់នេះថា ជាការសម្រេចចិត្តយ៉ាងសែនអាម៉ាស។

ជាការឆ្លើយតប ខាង FA បានធ្វើការចោទប្រកាន់លើ Arteta ហើយសាមីខ្លួនមានរហូតដល់ថ្ងៃអង្គារសប្ដាហ៍ក្រោយ ដើម្បីឆ្លើយតបនឹងរឿងនេះ។ FA បានចោទ Arteta ថា ការលើកឡើងរបស់បុរសរូបនេះ ជាការប្រមាថដល់អាជ្ញាកណ្ដាល៕

ប្រភព៖ BBC ប្រែសម្រួល៖ ហ៊ីម រស្មី