កីឡាករដែលទទួលបានកាតក្រហមលឿនបំផុតក្នុងប្រវត្តិសាស្ត្រ

2023-10-02 13:18:38
បាល់ទាត់

2023-10-02 13:18:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Lee Todd គឺជាកីឡាករដែលទទួលបានកាតក្រហមដ៏លឿនបំផុតក្នុងប្រវត្តិសាស្ត្របាល់ទាត់។

រូបភាពតំណាង

ក្នុងការប្រកួតកាលពីខែតុលា ឆ្នាំ ២០០០ កីឡាករ Lee Todd បានទទួលបានកាតក្រហមពីអាជ្ញាកណ្ដាលត្រឹមរយៈពេល ២ វិនាទីប៉ុណ្ណោះ ក្រោយផ្លុំកញ្ចែចាប់ផ្ដើមការប្រកួតរវាងក្លឹប Cross Farm Park Celtic និងក្លឹប Taunton East Reach Wanderers ក្នុងលីគលំដាប់ទាបមួយនៅអង់គ្លេស។ នេះមានន័យថា Lee Todd ជាកីឡាករដែលទទួលបានកាតក្រហមលឿនបំផុតក្នុងប្រវត្តិសាស្ត្រចាប់តាំងពីមានការកត់ត្រាកំណត់ត្រាបាល់ទាត់មក។

មូលហេតុដែលកីឡាកររូបនេះ ទទួលបានកាតក្រហម ហើយត្រូវបានបណ្ដេញចេញពីការប្រកួតយ៉ាងលឿនបែបនេះ គឺដោយសារជេរប្រមាថអាជ្ញាកណ្ដាល។ Todd ដែលកាលនោះលេងឲ្យក្លឹប Cross Farm Park Celtic បានឈរជិតអាជ្ញាកណ្ដាល នៅពេលមុនប្រកួតចាប់ផ្ដើម។

នៅពេលនោះ អាជ្ញាកណ្ដាលបានផ្លុំកញ្ចែដើម្បីចាប់ផ្ដើមការប្រកួត។ ទោះជាយ៉ាងណា Todd បានភ្ញាក់នឹងសំឡេងកញ្ចែ ហើយបាននិយាយពាក្យមិនសមរម្យមួយចំនួន។ យ៉ាងនេះក្ដី អាជ្ញាកណ្ដាលបានលឺពាក្យមិនសមរម្យទាំងអស់នោះ រួចក៏លើកកាតក្រហមបណ្ដេញចេញកីឡាកររូបនេះចេញពីការប្រកួតតែម្ដង។

ក្រោយការប្រកួត Todd បានប្រាប់អ្នកសារព័ត៌មានថា ខ្លួនមិនបានជេរប្រមាថសំដៅទៅលើអាជ្ញាកណ្ដាលនោះទេ តែដោយសំឡេងកញ្ចែលឺខ្លាំងពេក ទើបភ្ញាក់និយាយមិនសមរម្យដូច្នេះ។

ទោះជាយ៉ាងណា ក្រុម Todd ឈ្នះ Taunton East Reach Wanderers ក្នុងលទ្ធផល ១១ ទល់នឹង ២៕

ប្រភព៖ theguardian អត្ថបទ៖ សេរី មង្គល