/65042f892163a_1694773080_medium.jpg)
- 2023-09-15 12:10:27
- បាល់ទាត់
Odegaard ជិតចុះកុងត្រារយៈពេលវែងថ្មីជាមួយ Arsenal
- 2023-09-15 12:10:27
- ចំនួនមតិ 0 | ចំនួនចែករំលែក 0
Odegaard ជិតចុះកុងត្រារយៈពេលវែងថ្មីជាមួយ Arsenal
ចន្លោះមិនឃើញ
ខ្សែបម្រើ Martin Odegaard នឹងចុះកុងត្រាថ្មីជាមួយក្លឹប Arsenal នាពេលឆាប់ៗខាងមុខ។ នេះបើតាមការចុះផ្សាយរបស់សារព័ត៌មានអង់គ្លេស Daily Mail។
យោងតាមប្រភពដដែល កុងត្រាថ្មីនឹងមានរយៈពេល ៤ ឆ្នាំ។ កុងត្រាបច្ចុប្បន្នរបស់ Odegaard មានសុពលភាពរហូតដល់ខែមិថុនា ឆ្នាំ ២០២៥។
បើតាមការចុះផ្សាយខាងលើ Odegaard នឹងទទួលបានការដំឡើងប្រាក់ខែយ៉ាងគំហុកក្នុងកុងត្រាថ្មី ដោយ Arsenal កំពុងពេញចិត្តនឹងកីឡាករន័រវែសវ័យ ២៤ ឆ្នាំដែលកំពុងមានទម្រង់លេងល្អ។ ប្រាក់ពលកម្មបច្ចុប្បន្នរបស់ Odegaard គឺ ១២ ម៉ឺនផោនក្នុងមួយសប្ដាហ៍។
ភាគី Odegaard និងភាគី Arsenal កំពុងមានអារម្មណ៍ល្អជាមួយគ្នា ហើយអាចនឹងសម្រេចព្រមព្រៀងកុងត្រាថ្មីនាពេលឆាប់ៗខាងមុខ។
Odegaard បានមកចូលរួមជាមួយ Arsenal ជាកីឡាករខ្ចីជើងកាលពីឆ្នាំ ២០២០ ហើយជាកីឡាករពេញសិទ្ធិមួយឆ្នាំក្រោយមក។ កីឡាករលេងសរុប ១១០ លើក និងស៊ុតចូល ២៦ គ្រាប់៕
