- 2023-09-14 06:57:27
- បាល់ទាត់
អង្គការផ្កាយសមុទ្រ អរគុណចំពោះការទុកចិត្ត និងរួមចំណែកជួយក្មេងៗក្រលំបាកពី AIA
- 2023-09-14 06:57:27
- ចំនួនមតិ 0 | ចំនួនចែករំលែក 0
អង្គការផ្កាយសមុទ្រ អរគុណចំពោះការទុកចិត្ត និងរួមចំណែកជួយក្មេងៗក្រលំបាកពី AIA
ចន្លោះមិនឃើញ
ប្រធានគ្រប់គ្រងអង្គការផ្កាយសមុទ្រ បង្ហាញភាពរីករាយ និងរឹតតែមានកម្លាំងចិត្តក្នុងការធ្វើការងារបន្ថែមទៀតតាមរយៈការទុកចិត្តក៏ដូចជាបន្តជួយពីក្រុមហ៊ុន AIA Cambodia រយៈពេល ៣ឆ្នាំទៀតលើកិច្ចការអប់រំ និងវិស័យកីឡារបស់អង្គការ។
លោកស្រី ជួប វិច្ឆិកា ប្រធានគ្រប់គ្រងអង្គការផ្កាយសមុទ្រ បានឲ្យដឹងថា ម្សិលមិញនេះគឺអង្គការបានចុះអនុស្សារណៈយោគយល់ (MOU) ជាមួយក្រុមហ៊ុន AIA Cambodia រយៈពេល ៣ឆ្នាំទៀតចាប់ពីឆ្នាំ ២០២៤ ដល់ ២០២៦។ កិច្ចសហការនេះដែរគឺជ្រោមជ្រែងលើការប្រកួតបាល់ទាត់ និងបន្ថែមលើធានារ៉ាប់រងដល់បុគ្គលិកទាំងអស់អង្គការទៀតផង។
តំណាងអង្គការខាងលើបញ្ជាក់ទៀតថា ភាពជាដៃគូរយៈពេល ៣ឆ្នាំខាងមុខនេះអង្គការនឹងពង្រីកសកម្មភាពកីឡា ឬសកម្មភាពប្រកួតនេះឲ្យកាន់តែធំ និងច្រើនខេត្តជាងមុខ។ លោកស្រីមានការសប្បាយរីករាយជាខ្លាំងដែល AIA ដែលទុកចិត្តលើកិច្ចការងាររបស់អង្គការ និងបន្តចូលរួមសហការជួយដល់កុមារ យុវជនកម្ពុជា ដែលមានការលំបាកក្នុងការរស់នៅ រៀនសូត្រ និងបញ្ហាគ្រួសារជាដើម។ ការទុកចិត្តទាំងនេះគឺធ្វើឲ្យបុគ្គលិកអង្គការរឹតតែមានទឹកចិត្តបន្តសកម្មភាពជួយសង្គមថែមទៀត។
បញ្ជាក់ដែរថា ពិធីចុះអនុស្សារណៈយោគយល់នេះធ្វើឡើងកាលពីរសៀលថ្ងៃទី១៣ ខែកញ្ញា ឆ្នាំ២០២៣ នៅទីតាំងអង្គការផ្កាយសមុទ្រ ក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ។ AIA សហការជាមួយអង្គការផ្កាយសមុទ្រតាំងពីឆ្នាំ ២០១៧ មកម្ល៉េះ ដោយបង្កើតជាពានរង្វាន់ AIA-ISF Youth League និងបានជួយដល់កុមារខ្មែរបានហ្វឹកហាត់បាល់ទាត់ បានចេញទៅបោះជំរំហ្វឹកហាត់ និងផ្ដល់ឱកាសទៅមើលបាល់នៅប្រទេសអង់គ្លេសទៀតផង៕
