តារាបាល់ទាត់ជម្រើសជាតិវៀតណាម Doan Van Hau និងមិត្តស្រីរបស់គេ គឺ កញ្ញា Doan Hai My ដែលជាបេក្ខភាពបរវកញ្ញា top 10 Miss Vietnam 2020 បានបង្ហាញភាពស្និទ្ធស្នាល និង ផ្អែមល្ហែម ល្អូកល្អើនខ្លាំង ដោយគេសង្កេតឃើញពួកគេទាំង ២ ចេញទៅក្រៅម្តងណា តែងពាក់សម្លៀកបំពាក់ពណ៌ស៊ីគ្នា។

ជាក់ស្តែងនៅក្នុងការប្រគុំតន្រ្តី របស់ Blackpink នៅទីក្រុងហាណូយ កាលពីយប់ថ្ងៃទី ៣០ ខែកក្កដា ឆ្នាំ២០២៣ គូស្នេហ៍ទាំង២ កីឡាករ Doan Van Hau និង មិត្តស្រី Dain Hai My បានពាក់សម្លៀកបំពាក់ដែលមានពណ៌ខ្មៅ និង ពណ៌ផ្កាឈូក មើលទៅស៊ីគ្នាមែនទែនតែម្តង។ ក្រៅពីនោះស្នេហារវាងតារាបាល់ទាត់ជម្រើសជាតិវៀតណាម និង បរវកញ្ញា Miss Vietnam 2020 នេះ ធ្វើឱ្យអ្នកដែលតាមដានពួកគេមានអារម្មណ៍ច្រណែននឹងគូស្នេហ៍ល្អូកល្អើនមួយគូនេះណាស់។

កីឡាករ Hau ត្រូវបានគេឃើញជូនសង្សាររបស់ខ្លួនគឺកញ្ញា May ទៅទទួលសញ្ញាប័ត្របញ្ចប់ការសិក្សា នៅសកលវិទ្យាល័យ Hanoi Law University កាលពីដើមឆ្នាំ២០២៣នេះ។ Hau មានអាយុ ២៣ ឆ្នាំ និងកញ្ញា My មានអាយុ ២២ ឆ្នាំ បានចាប់ផ្តើមទាក់ទងគ្នាដើម្បីបង្កាត់ភ្លើ់ងស្នេហ៍ ប៉ុន្មានខែបន្ទាប់ពីកញ្ញា My បានចូលរួមកម្មវិធីប្រលងបវរកញ្ញាវៀតណាមឆ្នាំ ២០២០ ហើយពួកគេបានចាប់ផ្តើមណាត់ជួបគ្នា។ កីឡាករ Hau ទទួលបានភាពល្បីល្បាញបន្ទាប់ពីរូបគេចាប់ផ្តើមជាប់ឈ្នោះនៅក្នុងក្រុមបាល់ទាត់ជម្រើសជាតិវៀតណាម និងជាកីឡាករវ័យក្មេងបំផុតរបស់ក្រុមនៅឆ្នាំ ២០១៧។ កីឡាករូបនេះ បានឈ្នះមេដាយមាសស៊ីហ្គេមជាមួយក្រុមជម្រើសជាតិវៀតណាមនៅឆ្នាំ ២០១៨៕