Icardi នឹងចូលរួមជាផ្លូវការជាមួយក្លឹបទួរគី

2023-07-28 11:00:21
បាល់ទាត់

2023-07-28 11:00:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Mauro Icardi នឹងចូលរួមជាផ្លូវការជាមួយក្លឹបទួរគី Galatasaray។ នេះបើតាមការចុះផ្សាយរបស់សារព័ត៌មានធំៗដូចជា Sky Sport ជាដើម។

យោងតាមប្រភព Fabrizio Romano កីឡាករអាហ្សង់ទីន Icardi កំពុងនៅទួរគីនាពេលបច្ចុប្បន្នដើម្បីបង្ហើយនីតិវិធីមួយចំនួនដើម្បីត្រៀមចូលរួមជាផ្លូវការជាមួយ Galatasaray ពីក្លឹបយក្សបារាំង PSG។ បើតាមប្រភពដដែល PSG នឹងទទួលបានតម្លៃផ្ទេរប្រមាណ ១០ លានអឺរ៉ូពីក្លឹបទួរគី។

តាមពិតទៅ Icadi ធ្លាប់លេងឲ្យ Galatasaray មួយរដូវកាលទៅហើយកាលពីរដូវកាលមុន តែកាលនោះលេងក្នុងនាមជាកីឡាករខ្ចីជើង។ កីឡាករវ័យ ៣០ ឆ្នាំបានបង្ហាញទម្រង់លេងល្អដោយស៊ុតចូល ២៣ គ្រាប់ ក្នុង ២៦ ប្រកួតឲ្យក្លឹបទួរគី។ នេះអាចជាកត្តាសំខាន់មួយដែលក្លឹបទួរគីសម្រេចបន្តចង់បានកីឡាកររូបនេះ។

Icardi ធ្លាប់ជាកីឡាករឆ្នើមកាលពីមុន ជាពិសេសកាលនៅលេងឲ្យក្លឹបអ៊ីតាលី Inter Milan កាលពីឆ្នាំ ២០១៣ ដល់ ២០១៩។ កីឡាករលេងសរុបឲ្យក្លឹប ២១៩ លើក និងស៊ុតចូល ១២៤ គ្រាប់។

កីឡាករក៏ផ្លាស់ទៅលេងឲ្យ PSG កាលពី ២០១៩ ហើយលេងរហូតដល់ឆ្នាំ ២០២២។ ពេលវេលានៅក្លឹបបារាំងមិនសូវកាក់កបឡើយសម្រាប់ Icardi។ ខ្សែប្រយុទ្ធរូបនេះច្រើនលេងជាកីឡាករបម្រុង ហើយចូលលេងបានតែ ៩២ លើកប៉ុណ្ណោះ ហើយស៊ុតចូល ៣៨ គ្រាប់៕

ប្រភព៖ Twitter អត្ថបទ៖ សេរី មង្គល