- 2023-06-29 13:30:31
- បាល់ទាត់
Ramos ចង់ត្រលប់ទៅក្លឹបចាស់វិញ
- 2023-06-29 13:30:31
- ចំនួនមតិ 0 | ចំនួនចែករំលែក 0
Ramos ចង់ត្រលប់ទៅក្លឹបចាស់វិញ
ចន្លោះមិនឃើញ
ខ្សែការពារ Sergio Ramos ចង់ត្រលប់ទៅក្លឹបចាស់ខ្លួនវិញនៅអេស្ប៉ាញ។ នេះបើតាមការចុះផ្សាយរបស់សារព័ត៌មាន Cadena។
បន្ទាប់ពីចប់កុងត្រាជាមួយ PSG នាបំណាច់ខែមិថុនានេះ កីឡាករ Ramos ចង់ត្រលប់ទៅលេងក្លឹបចាស់របស់ខ្លួននៅអេស្ប៉ាញ។ក្លឹបចាស់នោះ គឺក្លឹប Sevilla ដែលជាក្លឹបដែល Ramos ធ្លាប់លេងកាលនៅជាយុវជន។
មិនទាន់មានសេចក្ដីរាយការណ៍ណាមួយថា Sevilla យល់យ៉ាងណាចំពោះចេតនាមួយនេះ។
Ramos បានផ្ទេរចេញពី Sevilla ទៅ Real Madrid កាលពីឆ្នាំ ២០០៥ ហើយបន្តនៅ Real រហូតដល់ឆ្នាំ ២០២១។ ក្នុងនោះកីឡាករលេងឲ្យយក្សអេស្ប៉ាញ៦៧១ លើក និងស៊ុតចូលសរុប ១០១ គ្រាប់ ព្រមទាំងជួយក្លឹបឲ្យឈ្នះពានជាច្រើន។ ក្រោយមក កីឡាករក៏បានទៅចូលរួមជាមួយ PSG តែមិនសូវសមប្រកបដោយសារបញ្ហារបួស។ ជាង ២ ឆ្នាំនៅ PSG ខ្សែការពារវ័យ ៣៧ ឆ្នាំរូបនេះលេងបានតែប្រមាណ ៦០ ប្រកួតប៉ុណ្ណោះ ហើយមិនមែនជាជម្រើសដំបូងសម្រាប់ក្លឹប៕
