ខែ្ស​ប្រយុទ្ធ Neymar ប្រកាស​គាំទ្រ​បេក្ខភាព​លោក Carlo Ancelotti ជា​គ្រូ​បង្វឹក​ថ្មី​របស់​ក្រុម​ជម្រើស​ជាតិ​ប្រេស៊ីល។

Neymar បាន​ប្រាប់​អ្នក​សារព័ត៌មាន​ថា ក្រុម​ជម្រើស​ជាតិ​ប្រេស៊ីល​មាន​ឱកាស​ទទួល​បាន​ការ​ដឹកនាំ​របស់​គ្រូ​បង្វឹក​បរទេស​ដ៏​ចំណាន​ម្នាក់។ លោក Ancelotti បាន​ឈ្នះ​ពាន​ធំៗ​ទាំង​អស់ ហើយ Neymar ជឿ​ជាក់​ថា បើ​ក្លាយ​ជា​គ្រូ​បង្វឹក​ប្រេស៊ីល លោក Ancelotti នឹង​បង្ហាត់បង្ហាញ​នូវ​រឿង​បច្ចេកទេស​ជា​ច្រើន។

ប្រេស៊ីល​បាន​ខកខាន​ឈ្នះ​ World Cup ជាង ២០ ឆ្នាំ​ហើយ។ ការណ៍​នេះ​ធ្វើ​ឲ្យ​សហព័ន្ធ​ប្រេស៊ីល​ស្វះស្វែង​រក​គ្រូ​បង្វឹក​ល្អ​ដើម្បី​ជួយ​ក្រុម​អាច​មានលទ្ធភាព​ខ្ពស់​ក្នុង​ការ​ប្រជែង​ពាន​លំដាប់​ពិភពលោក​មួយ​នេះ​នា​ពេល​ប៉ុន្មាន​ឆ្នាំ​ខាង​មុខ។

របាយការណ៍​ចុង​ក្រោយ​ជា​ច្រើន​ បាន​លើក​ឡើង​ថា Ancelotti ត្រៀម​ទៅ​ដឹក​ប្រេស៊ីល​នៅ​ពេល​ចប់​កុង​ត្រា​ជាមួយ Real Madrid នៅ​ឆ្នាំ​ក្រោយ។

ពាក្យ​ចចាមអារ៉ាម​ខ្លះ​បាន​លើក​ឡើង​ថា Real Madrid បាន​ត្រៀម​រក​អ្នក​ជំនួស​ Ancelotti ក្នុង​ការ​ដឹកនាំ​ក្លឹប​ក្នុង​នាម​ជា​គ្រូ​បង្វឹក។ បេក្ខជន​កំពុង​នាំ​មុខ គឺ​អតីត​ខ្សែ​បម្រើ​ឆ្នើម Xabi Alonso ដែល​បច្ចុប្បន្ន​កំពុង​ដឹក Bayer Leverkusen៕