មិនដឹងយ៉ាងណាទេ មានដំណឹង ម៉ាប់ឆ្វេង ជួបគ្រោះថ្នាក់ចរាចរណ៍ធ្ងន់ធ្ងរ!

2023-06-15 07:23:02
ព័ត៌មាន

2023-06-15 07:23:02
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករបាល់ទះមិនអាជីពល្បីឈ្មោះ ម៉ាប់ ឆ្វេង ពេលនេះមានគ្រោះធំ ដោយបានជួបគ្រោះថ្នាក់ចរាចរណ៍រងគ្រោះធ្ងន់ធ្ងរ សន្លប់មិនទាន់ដឹងខ្លួនឡើយ។

ដំណឹងនេះ ត្រូវបានទម្លាយដោយលោក រ៉េត សុវណ្ណនាថ អតីតដៃគូសាកសមសម្រាប់ការប្រកួតបាល់ទះមិនអាជីព ដោយបានធ្វើឲ្យមានការភ្ញាក់ផ្អើលក្នុងសង្គមបាល់ទះក្រៅផ្លូវការ។ អតីតដៃគូរបស់ម៉ាប់ឆ្វេងរូបនេះ បានសរសេរប្រាប់ប្រិយមិត្តនៅលើបណ្ដាញសង្គមហ្វេសប៊ុកថា "បងម៉ាប់ផុតពីរ គ្រោ..ះ ថ្នា..ក់ចរាចរ..ណ៍ផងគាត់ធ្ងន់ធ្ងរខ្លាំងណាស់មិនទាន់ដឹងខ្លួនទេបងប្អូនអើយទេវតាជួយថែរក្សាគាត់ផង"។

យ៉ាងណា សុវណ្ណនាថ មិនបានបញ្ជាក់ពីហេតុការណ៍ខាងលើថាកើតឡើងយ៉ាងម៉េចនោះទេ។ ប៉ុន្តែមានប្រិយមិត្តផ្សេង បានប្រាប់ត្រួសពីហេតុការណ៍ខាងលើ។ គណនីហ្វេសប៊ុកមួយឈ្មោះ ដា លីនណា ដែលឃើញហេតុការណ៍ផ្ទាល់ភ្នែកបានឲ្យដឹងថា ម៉ាប់ឆ្វេងបានជិះម៉ូតូអត់ពាក់មួកសុវត្ថិភាព ហើយបានជ្រុលទៅបុករថយន្តបត់ឆ្វេង។

គណនី ដា លីនណា សរសេរថា "ឡានបទឆ្វេងគាត់ចាប់ប្រាំងបោកនឹងឡានដោយសារតែគាត់អត់ពាក់មួកសុវត្ថិភាពខ្ញុំបានឃើញក៏ជូនគាត់ទៅពេទ្យ"។ មកដល់ពេលនេះ មិនទាន់ដឹងថា ស្ថានភាពកីឡាជំនាញដៃឆ្វេងរូបនេះ ប្រែប្រួលយ៉ាងណាហើយនោះទេ៕

អត្ថបទ៖ ទារិកា