/6479ba9fb170d_1685699220_medium.jpg)
- 2023-06-02 10:48:22
- បាល់ទាត់
Xavi ថា Messi នឹងធ្វើការសម្រេចចិត្តរឿងចូលរួម Barca ឬអត់ នៅសប្ដាហ៍ក្រោយ
- 2023-06-02 10:48:22
- ចំនួនមតិ 0 | ចំនួនចែករំលែក 0
Xavi ថា Messi នឹងធ្វើការសម្រេចចិត្តរឿងចូលរួម Barca ឬអត់ នៅសប្ដាហ៍ក្រោយ
ចន្លោះមិនឃើញ
គ្រូបង្វឹក Barcelona លោក Xavi និយាយថា Messi នឹងធ្វើការសម្រេចចិត្តរឿងចូលរួមជាមួយ Barca ឬអត់នៅសប្ដាហ៍ក្រោយ។
Xavi បានច្រាលចោលពាក្យចចាមអារ៉ាមមួយចំនួនចុះផ្សាយសារព័ត៌មានអេស្ប៉ាញធំៗដែលថា Messi សម្រេចមិនត្រលប់មក Barcelona វិញទេ។ លោកថា Messi នឹងសម្រេចរឿងនេះ នៅសប្ដាហ៍ក្រោយ។
Xavi បានសង្កត់ធ្ងន់ថា ចង់បាន Messi មក Barca វិញ ហើយត្រៀមគ្រប់យ៉ាងដើម្បីសម្រួលឲ្យ Messi បានមកលេងនៅក្លឹបចាស់វិញ។ នេះបើតាមអ្វីដែល Xavi ប្រាប់សារព័ត៌មាន Mundo Deportivo។
Messi បានសម្រេចចិត្តពី PSG ហើយនៅពេលចប់រដូវកាលនេះ។ នេះបើតាមការបញ្ជាក់របស់គ្រូបង្វឹក PSG លោកChristophe Galtier កាលពីម្សិលមិញ។
Lionel Messi គឺជាវីរបុរសរបស់ក្លឹប Barca លេងឲ្យក្លឹបពីនៅថ្នាលយុវជន រហូតដល់ឈុតធំ ហើយជួយក្លឹបឈ្នះពានធំៗជាច្រើន។ យ៉ាងនេះក្ដី បញ្ហាហិរញ្ញវត្ថុក្លឹប បានបង្ខំភាគីក្លឹប និង Messi ចែកផ្លូវគ្នាកាលពី ២ ឆ្នាំមុន ហើយ Messi ក៏បានចូលរួមជាមួយ PSG នៅពេលនោះ៕
