• 2023-03-29 11:24:54
  • បាល់ទាត់

De Gea បដិសេធ​សំណើ​ត​កុងត្រា​ជាមួយ​ Man Utd

  • 2023-03-29 11:24:54
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នក​ចាំ​ទី David de Gea ត្រូវ​បាន​រាយការណ៍​ថា បាន​បដិសេធ​សំណើ​ទី​មួយ ក្នុង​ការ​ត​កុងត្រា​ជាមួយ​ក្លឹប Manchester United។

បើ​តាម​ Goal កីឡាករ De Gea បាន​បដិសេធ​សំណើ​ទី​មួយ​ក្នុង​ត​កុង​ត្រា។ ក្លឹប​បិសាច​ក្រហម​បាន​ផ្ដល់​កុងត្រា​ថ្មី​ឲ្យ​អ្នក​ចាំ​ទី​សញ្ជាតិ​អេស្ប៉ាញ ក៏​ប៉ុន្តែ​កាត់​បន្ថយ​ថ្លៃ​ពលកម្ម​ បើ​ធៀប​នឹង​កុង​ត្រា​បច្ចុប្បន្ន។ បើ​តាម​កុងត្រា​បច្ចុប្បន្ន តាំង​ពី​ឆ្នាំ ២០១៩ រហូត​ដល់​ចប់​រដូវ​កាល​នេះ De Gea ទទួល​បាន​ប្រាក់​បំណាច់​ចំនួន ៣៧៥០០០ ផោន ក្នុង​មួយ​សប្ដាហ៍។

យោង​តាម​ប្រភព​ដដែល ភាគី De Gea យល់​ឃើញ​ថា ជា​ការ​ពិត De Gea មាន​វ័យ​ ៣២ ឆ្នាំ​ហើយ និង​ទទួល​ស្គាល់​ថា​មិន​អាច​សុំ​បន្ត​ទទួល​បាន​កម្រិត​ប្រាក់​បំណាច់​បច្ចុប្បន្ន​នោះ​ឡើយ។ ទោះ​យ៉ាង​ណា ភាគី​កីឡាករ​ ក៏​យល់​ឃើញ​ថា ក្លឹប​មិន​គួរ​កាត់​បន្ថយ​កម្រិត​ប្រាក់​បំណាច់​ច្រើន​ពេក​ដែរ ក៏​ព្រោះ​ថា De Gea នៅ​តែ​ជា​សមាជិក​ដ៏​សំខាន់​របស់​បិសាច​ក្រហម ក្រោម​ការ​ដឹកនាំ​របស់​លោក Erik Ten Hag។

គិត​មកទល់ពេលនេះ មិនទាន់មានសេចក្ដីរាយការណ៍បានបញ្ជាក់ថា Man Utd ចង់បន្ថយប្រាក់បំណាច់ប៉ុន្មានទេពី De Gea។ ភាគីទាំងពីរកំពុងចរចាគ្នាបន្ត។

កុងត្រាបច្ចុប្បន្នរបស់ De Gea នឹង​បញ្ចប់នៅចប់រដូវកាលនេះ។

តាំង​ពី​ចូល​រួម​ជាមួយ Man Utd នៅ​ឆ្នាំ​ ២០១១ មក De Gea លេង​ឲ្យ​ក្លឹប ៤០២ ប្រកួត ហើយ​ជួយ​រារាំង​មិន​ឲ្យ​គូ​ប្រកួត​ស៊ុត​ចូល​ចំនួន​ប្រមាណ ១៤០ លើក៕

ប្រភព៖ Goal ប្រែ​សម្រួល៖ ហ៊ីម រស្មី

មតិយោបល់