- 2023-03-28 13:44:32
- បាល់ទះ
ក្រុមបាល់ទះក្នុងសាលកម្ពុជា ហោះទៅម៉ាឡេស៊ីហើយ ខណៈបើកឆាកប៉ះក្រុម A របស់ម្ចាស់ផ្ទះ
- 2023-03-28 13:44:32
- ចំនួនមតិ 0 | ចំនួនចែករំលែក 0
ក្រុមបាល់ទះក្នុងសាលកម្ពុជា ហោះទៅម៉ាឡេស៊ីហើយ ខណៈបើកឆាកប៉ះក្រុម A របស់ម្ចាស់ផ្ទះ
ចន្លោះមិនឃើញ
នៅរសៀលថ្ងៃទី២៨ ខែមីនា ឆ្នាំ២០២៣ នេះក្រុមបាល់ទះក្នុងសាលរបស់កម្ពុជាបានធ្វើដំណើរទៅប្រទេសម៉ាឡេស៊ីហើយដើម្បីត្រៀមការប្រកួតពានរង្វាន់ TRI NATION VOLLEYBALL CUP 2023 ខណៈការប្រកួតបើកឆាកដំបូងប៉ះក្រុម A របស់ម្ចាស់ផ្ទះ។
លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធបាល់ទះកម្ពុជា បានឲ្យដឹងថា តាមអ្វីដែលលោកគិតនោះគឺក្រុមម្ចាស់ផ្ទះម៉ាឡេស៊ី និងខាងសិង្ហបុរី សុទ្ធតែបានពង្រឹងសមត្ថភាពក្រុមរៀងៗខ្លួនក្រោយបញ្ចប់ការប្រកួតស៊ីហ្គេម លើកទី៣១ នៅវៀតណាមកន្លងទៅនេះ។
អគ្គលេខាធិការរូបនេះបញ្ជាក់ថា ចំពោះក្រុមកម្ពុជាវិញបើទោះជាការប្រកួតមិត្តភាព ៣ ប្រកួតកន្លងទៅនេះទទួលបានលទ្ធផលល្អប្រសើរ ប៉ុន្តែក៏មិនទាន់អាចនិយាយបានថាមានគុណភាពខ្ពស់នោះទេ ពោលការវាស់ស្ទង់គឺលទ្ធផលឈ្នះមេដាយនៅស៊ីហ្គេម ខែឧសភា ឆ្នាំ២០២៣ ខាងមុខនេះ។
*ងាកមកការប្រកួតពានរង្វាន់ TRI NATION VOLLEYBALL CUP 2023 នៅ៣ប្រកួតរបស់កម្ពុជានេះវិញគឺ៖
ប្រកួតទី១ ថ្ងៃទី២៩ ខែមីនា វេលាម៉ោង ៩: ៣០នាទីយប់ប៉ះក្រុមម៉ាឡេស៊ី A
ប្រកួតទី២ ថ្ងៃទី៣០ ខែមីនា វេលាម៉ោង ៧: ៣០នាទីយប់ប៉ះ សិង្ហបុរី
ប្រកួតទី៣ ថ្ងៃទី៣១ ខែមីនា ៧: ៣០នាទីយប់ប៉ះក្រុមម៉ាឡេស៊ី B។
បន្ទាប់ពីបញ្ចប់ការប្រកួតវិលជុំសន្សំពិន្ទុហើយនោះក្រុមឈរលេខ ១-២ ត្រូវប្រកួតផ្ដាច់ព្រ័ត្រយកពានរង្វាន់ TRI NATION VOLLEYBALL CUP 2023 នេះតែម្ដង៕
