UEFA បើកការស៊ើបអង្កេតលើសំណុំរឿងចោទប្រកាន់ Barca សូកប៉ាន់អាជ្ញាកណ្ដាល

2023-03-23 13:22:57
បាល់ទាត់

2023-03-23 13:22:57
ចំនួនមតិ 0 | ចំនួនចែករំលែក 0

ចន្លោះមិនឃើញ

អម្បាញ់មិញនេះ សហព័ន្ធបាល់ទាត់អឺរ៉ុបហៅកាត់ថា UEFA បានសម្រេចជាផ្លូវការក្នុងការបើកការស៊ើបអង្កេតទៅលើសំណុំរឿងចោទប្រកាន់ទៅលើក្លឹប Barcelona ថាបានសូកប៉ាន់អាជ្ញាកណ្ដាល។

UEFA បានប្រកាសថាខ្លួនបានតែងតាំងក្រុមស៊ើបអង្កេត ដើម្បីបើកការស្រាវជ្រាវលើការចោទប្រកាន់មកលើក្លឹបអ្នកមានបុណ្យ។ ក្លឹប Barcelona ត្រូវបានចោទប្រកាន់ថាបានធ្វើការសូកប៉ាន់អតីតអនុប្រធានគណៈកម្មការអាជ្ញាកណ្ដាលលោក Jose Maria Enriquez Negreiraនូវទឹកប្រាក់ប្រមាណ ៧.៣ លានអឺរ៉ូ ពីឆ្នាំ ២០០១ ដល់ឆ្នាំ ២០១៨។

នេះមិនមែនជារឿងថ្មីឡើយ។ កាលពីពេលថ្មីៗនេះ ព្រះរាជអាជ្ញាក្រុង Barcelona ក៏បានបើកការស៊ើបអង្កេតលើសំណុំរឿងនេះដែរ។

កន្លងមក ក្លឹប Barca បានប្រកាសម្ដងហើយម្ដងទៀតថា ខ្លួនមិនបានសូកប៉ាន់អាជ្ញាកណ្ដាល ដើម្បីជួយក្លឹបនាពេលលេងការប្រកួតនោះឡើយ។

សូមបញ្ជាក់ថារយៈពេលពីឆ្នាំ ២០០១ ដល់ ២០១៨ គឺជាពេលវេលាដែលក្លឹប Barca ជោគជ័យមែនទែន ដោយក្លឹបបានឈ្នះពានជាច្រើនក្នុងអំឡុងពេលនោះ៕

ប្រភព៖ Goal អត្ថបទ៖ សេរី មង្គល