វគ្គផ្ដាច់ព្រ័ត្រ Slamball នឹងមានកម្មវិធីលេងកម្សាន្ដយករង្វាន់ជាច្រើននៅតារាងបាល់ទះវិសាខា

2023-01-27 07:45:54
បាល់ទាត់

2023-01-27 07:45:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតវគ្គផ្ដាច់ព្រ័ត្រពានរង្វាន់ Slamball នឹងឈានចូលមកដល់នៅថ្ងៃទី ២៨ខែមករាឆ្នាំ២០២៣ខាងមុខនេះហើយនៅតារាងបាល់ទះវិសាខាក្នុងកីឡដ្ឋានព្រីន។

ការប្រកួតនៅថ្ងៃស្អែកនេះ នឹងមានការប្រកួតពេលព្រឹកយកលេខ៣ រវាងក្រុមត្រីឆ្លាំងភ្នំពេញ ប៉ះជាមួយដំរីសៀមរាប។ ក្រុមណាឈ្នះការប្រកួតនឹងបន្ដឡើងទៅវគ្គ Grand Final នៅពេលល្ងាចទៀត ដែលប៉ះ នឹងក្រុមពង្រួលកំពង់ស្ពឺ។ ការប្រកួតនៅវគ្គនេះដែរ នឹងលេង៥សិត ក្រុមណាឈ្នះបាន៣សិតមុន នឹងក្លាយជាជើងឯកតែម្ដង។ សម្រាប់ក្រុមជើងឯកនឹងទទួលបានមេដាយមាស និងប្រាក់រង្វាន់ ៥ ពាន់ដុល្លារ ស្រាបៀរ Anchor White ១៥កេស និង Anchor Smooth ១៥ កេស, លេខ២ទទួលបានប្រាក់រង្វាន់ ៣ ពាន់ដុល្លារ Anchor White ១០ កេស និង Anchor Smooth ១០កេស និងលេខ៣ទទួលបានប្រាក់រង្វាន់ ១ ៥០០ដុល្លារ Anchor White ៥ កេស និង Anchor Smooth ៥ កេស។

ដោយឡែកសម្រាប់អ្នកដែលទៅទស្សនាវិញក៏នឹងទទួលបានឱកាសឈ្នះរង្វាន់ជាច្រើនផងដែរ។ មុនការប្រកួតចាប់ផ្ដើម ក្រុមការងារមានការឆ្លើយសំនួរ លេងហ្គេមកម្សាន្ដជាច្រើនប្រភេទដើម្បីទាក់ទាញនិងផ្ដល់រង្វាន់ដល់អ្នកគាំទ្រ។ លើសពីនេះទៅទៀត ក៏មានការសម្ដែងពីតារាកម្លែងពាក់មី ក្រុមរាំ OMG និង DJ Avida ថែមទៀតផង។ ការប្រកួតនឹងចាប់ផ្ដើមពីវេលាម៉ោង៤រសៀលតទៅ៕

អត្ថបទ៖ ប្រុស យុទ្ធ