តើមាន់ជល់កំពង់ចាម អាចទប់ជាមួយក្រុមម៉េងហ៊ួង ត្រីឆ្លាំងភ្នំពេញបានទេ?

2023-01-14 00:44:00
បាល់ទាត់

2023-01-14 00:44:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមមាន់ជល់កំពង់ចាម នឹងត្រូវធ្វើដំណើរមកប្រកួតជាមួយក្រុមត្រីឆ្លាំងភ្នំពេញនៅវេលាម៉ោង៤រសៀលនេះហើយ ក្នុងជំនួបវគ្គពាក់កណ្ដាលផ្ដាច់ព្រ័ត្រ Lower Bracket នៃពានរង្វាន់ Slamball ។

ក្រុមកំពង់ចាម ជាក្រុមខ្លាំងមួយមិនអាចមើលស្រាលបាននោះទេក្នុងការប្រកួតពានរង្វាន់ Slamball នេះ។ ពួកគេបានយកឈ្នះលើក្រុមបាត់ដំបង និងកំពត មុនពេលបន្ដទៅចាញ់សៀមរាប ហើយប៉ះជាមួយក្រុមភ្នំពេញទៀតនៅម៉ោង៤រសៀលនេះ។ ខណៈដែលខាងក្រុមភ្នំពេញ ដែលមានស្មាត់កំពូលៗជាច្រើននោះ ក៏ទើបតែបំបាក់ក្រុមខ្លាំងឥន្ទ្រីពិឃាដឌូក ដែលលេងតំណាងឱ្យខេត្តព្រៃវែងកាលពីពេលកន្លងទៅផងដែរ។

ក្រុមភ្នំពេញ

ក្រុមកំពង់ចាម

នេះជាការប្រកួតនៅខាង Lower Bracket វគ្គពាក់កណ្ដាលផ្ដាច់ព្រ័ត្រ។ ប្រសិនបើក្រុមមួយណាឈ្នះ នឹងត្រូវបន្ដជួបជាមួយក្រុមសៀមរាបដែលទើបធ្លាក់មក Lower Bracket ដែរ។ ការប្រកួតផ្ដាច់ព្រ័ត្រនៅវគ្គ Lower Bracket ធ្វើឡើងនៅថ្ងៃទី២៨ខែមករាឆ្នាំ២០២៣ខាងមុខ ហើយប្រសិនបើក្រុមណាឈ្នះទៀតនឹងបន្ដទៅផ្ដាច់ព្រ័ត្រប៉ះជាមួយក្រុមដែលកំពុងឈរចាំស្រេចគឺពង្រួលកំពង់ស្ពឺនៅថ្ងៃ២៨ដដែលនោះ។ ដូច្នេះនៅល្ងាចនេះ នឹងមានការប្រកួតស្វិតស្វាញមួយហើយ ដើម្បីស្វែងរកបេក្ខភាពបន្ដទៅវគ្គបន្ទាប់៕

អត្ថបទ៖ ប្រុស យុទ្ធ