/63a55e7605b44_1671781980_medium.jpg)
- 2022-12-23 10:30:58
- ព័ត៌មាន
FIFA បើកការស៊ើបអង្កេតករណីចុងភៅល្បី Salt Bae ចូលទៅឱបថើបពាន World Cup
- 2022-12-23 10:30:58
- ចំនួនមតិ 0 | ចំនួនចែករំលែក 0
FIFA បើកការស៊ើបអង្កេតករណីចុងភៅល្បី Salt Bae ចូលទៅឱបថើបពាន World Cup
ចន្លោះមិនឃើញ
FIFA នឹងធ្វើការបើកការស៊ើបអង្កេតពាក់ព័ន្ធនឹងករណីចុងភៅសាច់គោដ៏ល្បី ដែលមានរហស្សនាមថា Salt Bae ក៏ដូចជាមនុស្សមួយចំនួនទៀត ដែលចូលទៅកាន់ទីលានបាល់ទាត់ ដើម្បីទៅអបអរជ័យជម្នះរបស់ក្រុមជម្រើសជាតិអាហ្សង់ទីន ដោយមិនមានការអនុញ្ញាតច្បាស់លាស់។ នេះបើតាមការចុះផ្សាយរបស់សារព័ត៌មាន BBC។
ប្រភពខាងលើបានឱ្យដឹងថា អ្នកនាំពាក្យ FIFA បាននិយាយថា៖ «ក្រោយការត្រួតពិនិត្យ FIFA បានរកឃើញថាមានបុគ្គលមួយចំនួនបានចូលទៅកាន់ទីលានដោយមិនមានការអនុញ្ញាត នៅក្រោយពិធីបិទ នៅកីឡដ្ឋាន Lusail នៅថ្ងៃទី១៨ ខែធ្នូ»។
«វិធានការផ្ទៃក្នុងសមស្របណាមួយនឹងត្រូវអនុវត្ត»។ នេះបើតាមការបន្ថែមរបស់ FIFA។
សូមជម្រាបថា បើតាមបទបញ្ជារបស់ FIFA ពាន World Cup នឹងត្រូវបានកាន់ដោយមនុស្សមួយក្រុមតូចតែប៉ុណ្ណោះ ដែលរាប់បញ្ចូលទាំងកីឡាករជើងឯកពាននេះ មន្ត្រីរបស់ FIFA និងប្រមុខរដ្ឋ។
លោក Salt Bae ដែលមានឈ្មោះពិតថា Nusret Gökçe ជាចុងភៅ និងម្ចាស់ហាងសាច់គោទួរគី ដែលចាប់ផ្ដើមល្បីឈ្មោះនៅឆ្នាំ២០១៧។ តារា និងកីឡាករល្បីៗសុទ្ធតែធ្លាប់ជាភ្ញៀវរបស់លោកនាពេលកន្លងមក៕
