ដំរីសៀមរាប៖ Slamball ឈ្នះខាងមាន់ជល់កំពង់ចាម ២-០ ដូចការរំពឹងទុក

2022-12-08 05:31:18
បាល់ទះ

2022-12-08 05:31:18
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណាងក្រុមបាល់ទះ ដំរីសៀមរាប ថាការយកឈ្នះលើក្រុមម្ចស់ផ្ទះ មាន់ជល់កំពង់ចាម ២-០ (សិត) នេះគឺដូចទៅនិងការរំពឹងទុកមុនប្រកួតអីចឹង ដោយសារតែក្រុមដៃគូប្រកួតនៅស្ទើរច្រើនចំណុចកាលពីម្សិលមិញនេះ។

កីឡាករ គង់ សុបាន បានឲ្យដឹងក្រោយបញ្ចប់ការប្រកួតថា ក្រុមម្ចាស់ផ្ទះ មាន់ជល់កំពង់ចាម គឺនៅស្ទើរច្រើនដូចជា ការចាប់សេវា ការធ្វើរនាំង(បាំង) និងការម៉ាត់ផ្ដាច់ជាដើម។ ហេតុនេះហើយទើបក្រុមខ្លួនអាចឈ្នះដាច់ ២-០ (សិត) នេះតែម្ដង។

កីឡាករកាន់តួនាទីជាអ្នកលើកបាល់រូបនេះបន្ថែមទៀតថា ក្រុមដែលខ្លួនគិតថាជាឧបសគ្គនៅប្រកួតក្រោយៗទៀតនោះគឺមាន ខាងព្រៃវែង ខាងភ្នំពេញ និងកំពង់ស្ពឺ ព្រោះតែក្រុមមួយៗមានសុទ្ធតែកីឡាករឆ្នើមៗ និងលេងល្អ។

ចំណែកកីឡាករចិត្តត្រជាក់ រស់ ហាន់វ៉ា ក៏សរសើរថាកម្មវិធីបាល់ទះ Slamball នេះគឺរៀបចំបានល្អ និងប្លែកដូចជាបានចុះទៅប្រកួតដល់បណ្ដាខេត្តផ្សេងៗ នាំឲ្យអ្នកគាំទ្របានទស្សនាផ្ទាល់ ឃើញកីឡាករដែលខ្លួនបានស្រឡាញ់គាំទ្រទៀតផង។ មួយវិញទៀតការប្រកួតនេះបែបស្តង់ដារ លេងមិនជាប់ដៃ ដែលជាគំរូល្អមួយដល់អ្នកជំនាន់ក្រោយ និងជាការលើកទឹកចិត្តដល់អ្នកចង់ហាត់ជាអាជីព ក្រៅពីនេះក៏ជាការកម្សាន្តមួយដល់ប្រជាជនតាមខេត្តបានទស្សនា។

ការប្រកួតបាល់ទះ Slamball សប្ដាហ៍ទី៦ នៅខេត្តកំពង់ចាម ម្សិលមិញនេះគឺក្រុមភ្ញៀវ ដំរីសៀមរាប យកឈ្នះលើក្រុមមាន់ជល់កំពង់ចាម ដោយលទ្ធផល ២-០(សិត)។ ការប្រកួតនេះគឺដំណើរឆ្ពោះទៅដណ្ដើមពានរង្វាន់ Slamball ដែលរៀបចំដោយក្រុមហ៊ុន Sabay និង ក្រុមហ៊ុន Anchor៕