- 2022-12-07 02:18:05
- បាល់ទាត់
គ្រូបង្វឹកព័រទុយហ្គាល់ ប្រាប់ហេតុផលពិតប្រាកដមិនដាក់ Ronaldo លេងជម្រើសដំបូង
- 2022-12-07 02:18:05
- ចំនួនមតិ 0 | ចំនួនចែករំលែក 0
គ្រូបង្វឹកព័រទុយហ្គាល់ ប្រាប់ហេតុផលពិតប្រាកដមិនដាក់ Ronaldo លេងជម្រើសដំបូង
ចន្លោះមិនឃើញ
ក្រុមជម្រើសជាតិព័រទុយហ្គាល់បានយកឈ្នះលើក្រុមស្វីសក្នុងលទ្ធផល ៦-១ ឯណោះក្នុងជំនួបវគ្គ១៦ក្រុមចុងក្រោយពានរង្វាន់ FIFA World Cup 2022 នៅយប់មិញនេះ។
ក្នុងការប្រកួតនេះដែរ ក្រុមព័រទុយហ្គាល់មិនបានដាក់ Ronaldo ឱ្យចូលលេងជម្រើស១១នាក់ដំបូងនោះទេ ដោយជំនួសវិញកីឡាករវ័យ២១ឆ្នាំ Goncalo Ramos ដែលរកបានដល់ទៅ៣គ្រាប់ម្នាក់ឯង។ ការមិនដាក់ Legend ឱ្យចូលលេងនេះហើយ ធ្វើឱ្យមានមតិរិះគន់ច្រើនមែនទែន តែក៏មានអ្នកគាំទ្រខ្លះយល់ស្របជាមួយការសម្រេចចិត្តនេះដែរ ព្រោះនៅពេលអត់មាន Ronaldo ក្រុមព័រទុយហ្គាល់លេងបានល្អ និងបង្កើតឱកាសរកគ្រាប់បាល់បានច្រើនមែនទែន។
ការមិនដាក់កីឡាករវ័យ៣៧ឆ្នាំនេះ លោក Santos បានពន្យល់ថា គឺគ្រាន់តែជាបច្ចេកក្រុមដើម្បីគ្រប់គ្រងការប្រកួតទាំងមូលប៉ុណ្ណោះ មិនមែនមានបញ្ហាអ្វីឡើយ។ “ខ្ញុំស្និទស្នាលជាមួយគាត់ណាស់ ខ្ញុំស្គាល់គាត់តាំងពីគាត់អាយុ១៩ឆ្នាំនៅ Sporting ម្ល៉េះ បន្ទាប់មកគាត់ក៏អភិវឌ្ឍសមត្ថភាពខ្លួនរហូតក្លាយជាកីឡាករកំពូលនិងលេងនៅជម្រើសជាតិឆ្នាំ២០១៤។ Ronaldo និងខ្ញុំមិនដែលមានបញ្ហានោះទេ។ ខ្ញុំតែងតែចាត់ទុកគាត់ជាកីឡាករសំខាន់ក្នុងក្រុម”។ បុរសវ័យ៦៨ឆ្នាំអះអាងបែបនេះ៕