ក្រុម​ជម្រើស​ជាតិ​កូរ៉េខាងត្បូង​​នឹង​ត្រូវ​លេង​ប្រកួត​ទី​៣​ក្នុង​វគ្គ​សន្សំ​ពិន្ទុ​ពូល H ទល់​នឹង​ព័រទុយហ្គាល់​នៅ​យប់​នេះ​ម៉ោង​១០:០០​នាទី​ដើម្បី​ស្វែង​រក​ឱកាស​ឡើង​ទៅ​កាន់​វគ្គ​១៦​ក្រុម​ចុងក្រោយ។

ឈ្នះដំណើរកម្សាន្ត ៤យប់-៥ថ្ងៃ ទៅកាន់ទីក្រុងឡុងដ៍ ប្រទេសអង់គ្លេស ដើម្បីទស្សនាការប្រកួត និងជួបផ្ទាល់ជាមួយលោក SON HEUNG-MIN! ចុច Link នេះ ដើម្បីចូលរួម និងអានការណែនាំបន្ថែម! បញ្ជាក់៖ ថ្ងៃផុតកំណត់ ០២ ធ្នូ ឆ្នាំ ២០២២

ប្រវត្តិ​ជួប​គ្នា

ម្ចាស់​ពាន​ Euro ២០១៦ ព័រទុយហ្គាល់ និង​​ម្ចាស់​ពាន AFC Asian Cup ២​សម័យ​​កូរ៉េខាងត្បូង​ធ្លាប់​ប៉ះ​គ្នា​តែ​ម្ដង​គត់។ កាល​នោះ​ពួក​គេ​ប្រកួត​គ្នា​​ក្នុង​វគ្គ​សន្សំ​ពិន្ទុ​បែប​នេះ​ដូច​​គ្នា​​​ក្នុង​ព្រឹត្តិការណ៍ World Cup ២០០២ ហើយ​កូរ៉េខាងត្បូង​បាន​យក​ឈ្នះ​ព័រទុយហ្គាល់ ១-០ ទាត់​បញ្ចូល​ទី​ដោយ Park Ji sung។

ប្រវត្តិ​ក្នុង World Cup

ព័រទុយហ្គាល់​បច្ចុប្បន្ន​កំពុង​ឈរ​កំពូល​តារាង​ពូល H ឆ្លង​កាត់​២​ប្រកួត​ឈ្នះ​ទាំង​អស់។ ប្រកួត​ដំបូង​ពួក​គេ​បាន​យក​ឈ្នះ​ហ្គាណា ៣-២ បន្ទាប់​មក​ក៏​បន្ត​ឈ្នះ​ក្រុម​ខ្លាំង​អ៊ុយរុយហ្គាយ​ ២-០ ទៀត។ ទោះបី​យប់​នេះ​ប្រកួត​ចាញ់ ពួក​គេ​មាន​កៅអី​ស្រាប់​ក្នុង​ការ​ឡើង​ទៅ​កាន់​វគ្គ​១៦​ក្រុម​ចុងក្រោយ។

ស្ថាន​ភាព​ខុស​គ្នា កូរ៉េខាងត្បូង​ប្រកួត​​ទី​មួយ​របស់​ខ្លួន​ស្មើ​ជាមួយ​​អ៊ុយរុយហ្គាយ​ ០-០ បន្ទាប់​មក​ទៅ​ចាញ់​ហ្គាណា ៣-២ ពេល​នេះ​ទើប​តែ​មាន​១​ពិន្ទុ​ប៉ុណ្ណោះ។ ពួក​គេ​ត្រូវ​ការ​ឈ្នះ​ដាច់​ខាត​លើ​ព័រទុយហ្គាល់​ ប៉ុន្តែ​ក៏​អ៊ុត​ការ​ប្រកួត​រវាង​អ៊ុយរុយហ្គាយ​​និង​ហ្គាណា​ដូច​គ្នា។

ជម្រើស​១១​នាក់​របស់​ក្រុម​ទាំង​ពីរ

• កូរ៉េខាងត្បូង៖ Kim (GK) — 15-M.H. Kwon, 19-Y. Kim, 4-M. Kim, 3-J. Kim — 5-Jung, 6-Hwang — 22-Kwon, 25-Jeong, 7-Son  — 9-Cho

• ព័រទុយហ្គាល់៖ 22-Costa (GK) — 2-Dalot, 24-Antonio Silva, 4-Dias, 5-Guerreiro — 18-Neves — 6-Joao Palinha, 14-Carvalho — 10-Bernardo Silva — 9-Andre Silva, 11-Joao Felix។

មតិ​របស់​អេដមីន ព័រទុយហ្គាល់ ១-០ កូរ៉េខាងត្បូង​​