- 2022-11-24 13:43:17
- បាល់ទាត់
កីឡាករម្នាក់សម្រេចចិត្តមិនអបអរ ក្រោយទាត់បញ្ចូលទីក្នុងប្រកួត World Cup
- 2022-11-24 13:43:17
- ចំនួនមតិ 0 | ចំនួនចែករំលែក 0
កីឡាករម្នាក់សម្រេចចិត្តមិនអបអរ ក្រោយទាត់បញ្ចូលទីក្នុងប្រកួត World Cup
ចន្លោះមិនឃើញ
ការលេង និងស៊ុតចូលទីជួយក្រុមជម្រើសជាតិខ្លួន ក្នុងកម្មវិធី World Cup គឺជាក្ដីស្រមៃរបស់កីឡាករជាច្រើន។ ដូច្នេះហើយ ទើបកីឡាករជាច្រើនត្រូវបានគេមើលឃើញថា បានអបអរយ៉ាងខ្លាំងក្រោយរកគ្រាប់បញ្ចូលទីជួយក្រុមជម្រើសជាតិខ្លួន។ យ៉ាងណាក្ដី ខុសពីកីឡាករដទៃទៀត ខ្សែប្រយុទ្ធស្វីស Breel Embolo មិនបានអបអរទេ ពេលស៊ុតចូលទីទៅលើក្រុមជម្រើសកាមេរ៉ូន ជួយឲ្យស្វ៊ីសឈ្នះ ក្នុងប្រកួត World Cup ថ្ងៃនេះ។
បើតាមការចុះផ្សាយរបស់សារព័ត៌មានធំៗ Embolo មិនអបអរ គឺដោយសារ ខ្សែប្រយុទ្ធរូបនេះគោរពកាមេរ៉ូន ដោយប្រទេសនេះជាប្រទេសកំណើតរបស់រូបគេ។
Embolo កើតនៅឆ្នាំ ១៩៩៧ នៅរដ្ឋធានី Yaoundé ប្រទេសកាមេរ៉ូន។ ក្រោយមក Embolo និងក្រុមគ្រួសារបានរើទីលំនៅទៅប្រទេសបារាំងជាបណ្ដោះអាសន្ន តាំងពីខ្សែប្រយុទ្ធរូបនេះមានវ័យក្មេង។ បន្ទាប់ទៀតទើប Embolo និងក្រុមគ្រួសារសម្រេចរស់នៅជាផ្លូវការនៅប្រទេសស្វ៊ីស។ ហេតុនេះហើយ ទើប Embolo បានសញ្ជាតិស្វ៊ីស ហើយអាចលេងឲ្យក្រុមជម្រើសជាតិស្វ៊ីស។ បច្ចុប្បន្ន Embolo កំពុងលេងឲ្យក្លឹប Monaco។
ក្នុងប្រកួត World Cup ថ្ងៃនេះ គ្រាប់បាល់ Embolo បានជួយស្វ៊ីសយកឈ្នះកាម៉េរូនក្នុងលទ្ធផល ១ ទល់នឹង ០៕