- 2022-11-18 16:43:59
- បាល់ទះ
សួ សុផាណេត៖ ទំនួលខុសត្រូវ ស្មារតីជាក្រុមនាំឲ្យឈ្នះម្ចាស់ផ្ទះបាត់ដំបង ២-០
- 2022-11-18 16:43:59
- ចំនួនមតិ 0 | ចំនួនចែករំលែក 0
សួ សុផាណេត៖ ទំនួលខុសត្រូវ ស្មារតីជាក្រុមនាំឲ្យឈ្នះម្ចាស់ផ្ទះបាត់ដំបង ២-០
ចន្លោះមិនឃើញ
កីឡាករ សួ សុផាណេត ប្រធានក្រុមបាល់ទះ មាន់ជល់កំពង់ចាម ថាការយកឈ្នះម្ចាស់ផ្ទះបាត់ដំបង ដាច់ ២-០ ក្នុងពានរង្វាន់ Slamball នេះដោយសារម្នាក់ៗមានទំនួលខុសត្រូវ និងលេងស្មារតីជាក្រុម។
សួ សុផាណេត បានឲ្យដឹងក្រោយបញ្ចប់ការប្រកួតនៅខេត្តបាត់ដំបងថា រូបគេពិតជាត្រេកអរជាមួយនិងលទ្ធផល ២-០ នេះខ្លាំងណាស់។ កីឡាករម្នាក់ៗគឺលេងបានល្អតែម្ដង ពោលលេងតាមតំណែងរៀងខ្លួន និងស្មារតីជាក្រុម លេងដោយទំនួលខុសត្រូវ។
ប្រធានក្រុមមាន់ជល់កំពង់ចាមខាងលើនេះបន្ថែមទៀតថា កីឡាករលេងតាមទម្រង់របស់ខ្លួនបានល្អមិនថាស្មាត់ មិនថាអ្នកលើកបាល់នោះទេ គឺម្នាក់ៗបំពេញតួនាទីល្អ និងសហការគ្នាដោយមិនធ្វេសប្រហែស។
រំលឹកដែរថា ការប្រកួតសប្ដាហ៍ទី២ នៅក្នុងខេត្តបាត់ដំបងនៃពានរង្វាន់បាល់ទះ Slamball ដែលបង្កើតឡើងដោយក្រុមហ៊ុន Sabay និងក្រុមហ៊ុន Anchor កាលពីថ្ងៃទី១៦ ខែវិច្ឆិកា ឆ្នាំ២០២២ គឺក្រុមភ្ញៀវ មាន់ជល់កំពង់ចាម បានយកឈ្នះក្រុម ខ្លាពពកបាត់ដំបង ២-០ សិត៕