/6357c088df261_1666695300_medium.jpg)
- 2022-10-25 11:15:12
- ព័ត៌មាន
Ronaldo និងគ្រូ Man Utd នឹងចរចាគ្នាស្វែងរកដំណោះស្រាយ ក្រោយពេលមានរឿងអន់ចិត្តនឹងគ្នា
- 2022-10-25 11:15:12
- ចំនួនមតិ 0 | ចំនួនចែករំលែក 0
Ronaldo និងគ្រូ Man Utd នឹងចរចាគ្នាស្វែងរកដំណោះស្រាយ ក្រោយពេលមានរឿងអន់ចិត្តនឹងគ្នា
ចន្លោះមិនឃើញ
ខ្សែប្រយុទ្ធព័រទុយហ្គាល់កីឡាករ Cristiano Ronaldo និងអ្នកចាត់ការក្លឹប Manchester United លោក Erik Ten Hag គ្រោងនឹងជួបពិភាក្សាគ្នានៅថ្ងៃអង្គារនេះ ដើម្បីស្វែងរកចំណុចកណ្ដាលរួមមួយ ក្នុងគោលបំណងឱ្យ Ronaldo ចូលហាត់ និងលេងជាមួយក្រុមឈុតធំរបស់ក្រុមបិសាចក្រហម។
កាលពីសប្ដាហ៍មុន Ronaldo បង្ហាញក្ដីមិនសប្បាយចិត្ត ដោយបដិសេធមិនដូរចូលលេង ៥នាទីចុងក្រោយក្នុងការប្រកួតប៉ះនឹងក្លឹប Tottenham Hotspur។ ក្រៅពីអត់ចង់ចូលលេងហើយ កីឡាកររូបនេះបានដើរចេញពីទីលានមុនការប្រកួតបានបញ្ចប់ទៀតផង។
ជាលទ្ធផល Ronaldo ក៏ត្រូវបានលោក Ten hag ដកឈ្មោះចេញពីក្រុមកីឡាករប៉ះនឹងក្លឹប Chelsea នៅចុងសប្ដាហ៍មុន ហើយកីឡាកររូបនេះត្រូវបានបង្គាប់ឱ្យហាត់ជាមួយក្រុមយុវជនទៀតផង។
កាលពីថ្ងៃសុក្រកន្លងទៅ លោក Ten Hag បានលើកឡើងពាក់ព័ន្ធនឹងរឿង Ronaldo ថា៖ «យើងនឹងនិយាយគ្នាជាមុនសិន។ យើងត្រូវតែកំណត់លក្ខខណ្ឌវិន័យសម្រាប់កីឡាករគ្រប់ៗគ្នា»។
ប្រសិនបើការចរចាត្រូវរ៉ូវគ្នា Ronaldo អាចនឹងបង្ហាញខ្លួនក្នុងប្រកួតរបស់ក្លឹបនៅក្របខ័ណ្ឌ UEFA Europa League នៅសប្ដាហ៍នេះ៕
