- 2022-10-21 12:09:47
- ព័ត៌មាន
គ្រូ Man Utd ទម្លាយថា Ronaldo បដិសេធមិនចូលលេងក្នុងប្រកួតប៉ះនឹង Spurs
- 2022-10-21 12:09:47
- ចំនួនមតិ 0 | ចំនួនចែករំលែក 0
គ្រូ Man Utd ទម្លាយថា Ronaldo បដិសេធមិនចូលលេងក្នុងប្រកួតប៉ះនឹង Spurs
ចន្លោះមិនឃើញ
លោក Erik Ten Hag អ្នកចាត់ការក្លឹប Manchester United បានប្រាប់អ្នកកាសែតនៅក្នុងថ្ងៃនេះថា ខ្សែប្រយុទ្ធព័រទុយហ្គាល់កីឡាករ Cristiano Ronaldo បដិសេធមិនចូលលេងក្នុងការប្រកួតប៉ះនឹងក្លឹប Tottenham Hotspur ដែលប្រព្រឹត្តិទៅកាលពីយប់ថ្ងៃព្រហស្បតិ៍។
ការប្រកួតនោះ ក្រុមបិសាចក្រហមបានយកឈ្នះ Spurs ក្នុងលទ្ធផល ២ ទល់នឹង ០ ប៉ុន្តែក្នុងប្រកួតនោះ Ronaldo មិនបានស្ថិតនៅក្នុងជម្រើស ១១នាក់ដំបូងនោះទេ។ ទោះជាបែបនេះក្ដី លោក Ten Hag ប្រុងនឹងដាក់ Ronaldo ចូលលេងនៅចុងតង់ទី២ ប៉ុន្តែខ្សែប្រយុទ្ធព័រទុយហ្គាល់រូបនេះបដិសេធមិនចូលលេង។
មិនត្រឹមតែអត់ព្រមលេងប៉ុណ្ណឹងទេ Ronaldo ថែមទាំងចាកចេញពីកៅអីបង់កីឡាករបម្រុងនៅមុនការប្រកួតបានបញ្ចប់ទៀតផង។
សកម្មភាពទាំងអស់នេះហើយបានធ្វើឱ្យ Man Utd សម្រេចមិនដាក់បញ្ចូលឈ្មោះ Ronaldo ក្នុងបញ្ជីក្រុមកីឡាករ ដែលត្រៀមនឹងលេងប៉ះក្លឹប Chelsea នៅក្នុងចុងសប្ដាហ៍នេះ៕