Elon Muskថាការចង់ទិញក្លឹប Man Utd ជារឿងលេងសើចទេ ក្រោយមានការភ្ញាក់ផ្អើលពេក

2022-08-17 11:31:05
បាល់ទាត់

2022-08-17 11:31:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីព្រឹកថ្ងៃនេះ (ម៉ោងកម្ពុជា) លោក Elon Musk ដែលជាកំពូលមហាសេដ្ឋីមានទ្រព្យសម្បត្តិច្រើនជាងគេលើលោកបានបង្ហោះសារនៅលើបណ្ដាញសង្គម Twitter របស់លោកថា លោកកំពុងចង់ទិញក្លឹប Manchester United ។

យ៉ាងណាប៉ុន្មានម៉ោងក្រោយមកនៅក្នុងថ្ងៃដដែលនេះ ម្ចាស់ក្រុមហ៊ុន Tesla និង Space X ដែលមានទ្រព្យ២៦៥ពាន់លានដុល្លាររូបនេះបានបង្ហោះសារថា៖" មិនទេ នេះជាការលេងសើចនៅលើ Twitter ប៉ុណ្ណោះ។ ខ្ញុំមិនទិញក្លឹបកីឡាណាមួយទេក្នុងពេលនេះ។ ក៏ប៉ុន្តែបើធ្វើការទិញក្លឹបកីឡាមែន នោះច្បាស់ជាទិញក្លឹប Man Utd នេះហើយ។ ក្លឹបនេះជាក្លឹបដែលខ្ញុំពេញចិត្ត កាលនៅពីក្មេង "។

ទាក់ទងនឹងដំណឹងចង់ទិញ Man Utd នេះគឺមានការភ្ញាក់ផ្អើលជាខ្លាំងនៅក្នុងវិស័យបាល់ទាត់ជាពិសេសគឺអ្នកគាំទ្ររបស់ Man Utd ជាច្រើនមានការគាំទ្រនឹងសំណេរនេះយ៉ាងខ្លាំង ព្រោះពួកគេមួយចំនួនមិនពេញចិត្តនឹងការកាន់កាប់របស់ម្ចាស់ក្លឹបដែលគ្រួសារសេដ្ឋីអាមេរិកគ្រួសារ Glazer ប៉ុន្មានឆ្នាំចុងក្រោយនេះដោយសារតែក្រុមធ្លាក់ទម្រង់លេង។

គួរបញ្ជាក់ផងដែរថានេះមិនមែនជាលើកដំបូងទេ ដែលលោក Elon Musk បានធ្វើលេងសើចលើបណ្ដាញសង្គម Twitter រឿងចង់ក្រុមហ៊ុនណាមួយ។ កន្លងមកលោកក៏ធ្វើលេងសើចលើការចង់ទិញក្រុមហ៊ុន Coca Cola ជាដើម។ កាលពីខែមេសាកន្លងទៅ លោបានចំណាយ៤១ពាន់លានដុល្លារទិញយក Twitter តែក្រោយមកមិនចង់ទិញយកវិញ ដែលបង្កឲ្យមានក្ដីក្ដាំមកទល់នឹងសព្វថ្ងៃ៕

អត្ថបទ៖ សេរី មង្គល