- 2022-08-11 04:39:17
- បាល់ទាត់
យុវជនដែលទាត់បញ្ចូល U16 អូស្ត្រាលី២គ្រាប់ មានឆន្ទៈ និងស្មារតីចង់កែប្រែប្រវត្តិសាស្ត្របាល់ទាត់ខ្មែរ
- 2022-08-11 04:39:17
- ចំនួនមតិ 0 | ចំនួនចែករំលែក 0
យុវជនដែលទាត់បញ្ចូល U16 អូស្ត្រាលី២គ្រាប់ មានឆន្ទៈ និងស្មារតីចង់កែប្រែប្រវត្តិសាស្ត្របាល់ទាត់ខ្មែរ
ចន្លោះមិនឃើញ
«សម្រាប់ការតាំងចិត្តរបស់ខ្ញុំ មានតែស្មារតី និងឆន្ទៈយ៉ាងមុតមាំថា នឹងព្យាយាមកែប្រែប្រវត្តិសាស្ត្របាល់ទាត់ខ្មែរនាសម័យបច្ចុប្បន្ន» នេះជាសម្ដីរបស់យុវជនវ័យ១៥ឆ្នាំ ស៊ូ មេងហុង ដែលបានស៊ុត២គ្រាប់ម្នាក់ឯងពេលU16 កម្ពុជាយកឈ្នះ U16 អូស្ត្រាលី ៤- ២ កាលពីពេលថ្មីៗក្នុងពាន AFF U16 Boy’s Championship 2022 ដែលបានធ្វើឡើងនៅប្រទេសឥណ្ឌូណេស៊ី ។
យុវជនក្រុមជម្រើសជាតិកម្ពុជាក្រោមអាយុ១៦ឆ្នាំបានវិលត្រឡប់មកកាន់ទឹកដីកម្ពុជាកាលពីម្សិលមិញនេះ ក្រោយបញ្ចប់ភារកិច្ចលេង៣ប្រកួតក្នុងពានខាងលើមាន៣ពិន្ទុគឺឈ្នះ យុវជន អូស្ត្រាលី ៤-២ ចាញ់យុវជន មីយ៉ាន់ម៉ា ១-០ និងចាញ់យុវជន និងចាញ់យុវជនម៉ាឡេស៊ី ៣-០ ។ ក្រោយការវិលត្រឡប់នេះយុវជន ស៊ូ មេងហុង បានឲ្យដឹងថា រូបគេពិតជាសប្បាយចិត្តក្នុងការបានជាប់ជម្រើសជាតិទៅលេងតំណាងឲ្យជាតិក្នុងព្រឹត្តិការណ៍ដ៏សំខាន់យ៉ាងណាគេសង្ឃឹមថា ការខិតសំប្រឹងប្រែងរបស់ខ្លួន នឹងទទួលបានផ្លែផ្កានាពេលអនាគតពិសេសក្ដីស្រមៃ និងការតាំងចិត្តមួយនេះគេប្ដេជ្ញានឹងប្រឹងប្រែងបន្តទៀត។
ស៊ូ ម៉េងហុង បច្ចុប្បន្នជាយុវជនដែលកំពុងហ្វឹកហាត់នៅសាលាបាល់ទាត់ជាតិបាទី ដោយបានចាប់ផ្ដើមលេងបាល់ទាត់ដំបូងនៅឆ្នាំ២០១៧ ឲ្យក្រុម Green Young ៕