/62ebc2c1e6ccf_1659617940_medium.jpg)
- 2022-08-04 13:01:19
- បាល់ទាត់
Koulibaly ថាមូលហេតុនេះធ្វើឲ្យ Lukaku មិនជោគជ័យ នៅពេលត្រលប់មកលេងឲ្យ Chelsea
- 2022-08-04 13:01:19
- ចំនួនមតិ 0 | ចំនួនចែករំលែក 0
Koulibaly ថាមូលហេតុនេះធ្វើឲ្យ Lukaku មិនជោគជ័យ នៅពេលត្រលប់មកលេងឲ្យ Chelsea
ចន្លោះមិនឃើញ
ខ្សែការពារ Kalidou Koulibaly ចំណូលថ្មីរបស់ Chelsea បាននិយាយទៅកាន់អ្នកកាសែតនៅក្នុងថ្ងៃនេះថា ខ្សែប្រយុទ្ធ Romelu Lukaku មិនជោគជ័យនៅពេលត្រលប់មកលេងឲ្យក្លឹប Chelsea កាលពីរដូវកាលឆ្នាំ២០២១/២២កន្លងទៅនេះ គឺដោយសារគេខ្វះភាពជឿជាក់លើខ្លួនឯង។
Koulibaly បាននិយាយថា៖" Romelu គឺជាកីឡាករល្អមួយរូប ជាកីឡាករដែលមានទេពកោសល្យ។ គេពិតជាខ្លាំងមែន ខ្ញុំធ្លាប់លេងប៉ះគេដែរនៅកាលនៅអ៊ីតាលី ខ្ញុំគិតថា គេមិនចង់លេងប៉ះខ្ញុំទេ។ យ៉ាងណា គេស៊ុតចូលច្រើនគ្រាប់នៅអ៊ីតាលី ជួយ Inter ឲ្យឈ្នះ Scudetto ហើយក្រោយមកគេក៏ផ្លាស់ទៅកាន់ Chelsea ។ ខ្ញុំមិនចម្លែកចិត្តទេ ដែលគេធ្វើអញ្ចឹង។
កីឡាករនេះបន្តថា៖" និយាយទៅឆ្នាំមុននេះគេមានស្ថានភាពបែបហ្នឹង តាមខ្ញុំគិត គឺដោយសារតែគេខ្វះភាពជឿជាក់លើខ្លួនឯង លើអ្វីដែលគេចង់លេង ឬមួយក៏ប្រហែលជារឿងអីផ្សេងក៏ខ្ញុំមិនដឹង។ បាល់ទាត់គឺមិនមែនល្អចេញតែពីលើទីលាននោះទេ វាអាចមកពីជីវិតឯកជនយើង និងអ្វីៗផ្សេងៗទៀត ឬមួយក៏អ្វីមួយដែលគេមិនអាចធ្វើបាន មិនពេញចិត្តនៅទីនោះ "។
នៅក្នុងរដូវកាលថ្មីនេះ Lukaku ផ្លាស់ទៅកាន់ Inter វិញដោយខ្ចីជើង ក្រោយគេទើបផ្លាស់ត្រលប់មកលេងនៅ Chelsea វិញបាន១ឆ្នាំ៕
